[A:424]cing/ lhun gyis grub pa'o// //
swa sti/
chos kun kun mkhyen gsung bzhin mkhyen pa'i sku//
gzhan phan la dga' dga' bzhis phyug pa'i gsung//
thugs kyi rdo rje rje btsun gong ma yis//
lung bstan bstan pa'i mnga' bdag bsngags par 'os//
gang 'dir thub pa rnams dang sa skyong rgyal po'i sras ni 'bad mi dgos par lhun gyis grub ste ye shes dag dang bsod nams tshogs ni brgya phrag ngal bas bskrun min par yang yid bzhin mtsho ltar ngang gis gang//
thos dang bsam dang bsgom pa'i lam srol drang po nyid du rigs par rjes zhugs bslabs shing sbyangs pa'i spobs pa mi zad dang bcas rigs shing grol bar 'chad pa'i gsung gang gis ni 'khor tshogs rgya mtsho bsdus//
byang chub sems mchog bde bar rgyu ba'i lam chen nyid nas 'gro kun sgrol ba'i yab dang brtse ba'i yum chen nyid du nyer gzigs kun la phan dang bde ba'i byed por zhal gyis bzhes las dgongs pa gzhan mi mnga'//
dus rnams dag tu thub pa'i bstan dang de 'dzin byed la bkur stir bgyis las mdzad gzhan mi 'tshal ji ltar dgongs bzhin bgrangs yas gdul bya'i rgyud la bdud rtsir smin mdzad de yang zab cing rgya che'i smon lam stobs kyis phrin las dbang por gyur der mgos phyag 'tshal//
zhes rje btsun chos kyi rje kun dga' rdo rje'i zhal snga nas kyi rnam par thar pa dad pa'i stobs rab tu skyed pa zhes bya ba'di ni/ rje de nyid las gsung ngag rin po che yongs su rdzogs pa lan grangs du mar gsan nas/ thugs rgyud la smin par mdzad pa'i skabs su/ bsgrub pa'i lung sbyin par mdzad de/ lo grangs ji srid par rgyas btab ste/ skabs su bab pa'i dus de nas gsung ngag rin po che'i bsgrub brgyud mi 'chad par 'dzin po nyid du bka' bsgo brnyes pa/ rgya ma rin chen sgang gi mkhas chen kun spangs ngag dbang dpal