[A:440]sras rnams yi phyogs//
gang du bzhugs pa'i 'gro rnams kyi//
blo mtsho'i chu gter brnyogs pa na//
sku'i dkyil 'khor phrin las kyi//
cha shas rdzogs par mi 'char ba//
'di la mya ngan mi bya ste//
bshad sgrub rgyud 'dzin bu slob kyi//
nyi ma gsal po rtag tu 'char//
de nas sa mo bya'i lo hor zla bcu pa'i dus chen la/ sku gdung rin po che tsan dan gyi zhugs la zhen par mdzad pa de'i tshe/ yul ljongs kyi skye bo rnams kyis mchod pa'i tshogs mang pos sa gzhi mngon par bkra zhing/ lha'i tshogs kyis mngon par sprul pa'i me tog gi char chen po nyin mtshan du mar phebs/ kha sna lnga'i ring bsrel gyi tshogs lhug par byon pa grangs las 'das shing/ gdung tsha btab pa la mar gyi gong bur yungs kar gyi tshogs gtams pa lta bur gyur pa ni grangs las 'das te/ ji skad du/
'phags pa rnams kyi ring bsrel ni//
bsod nams stobs las 'khrungs pa ste//
lus can rnams kyi bsod nams rten//
rgyun mi chad pa'i rgyu yin no//
zhes gsungs pa de nyid do//
de ltar sku tshe mthar phyin pa'i rjes kyi mdzad pa/ mchod 'bul dang sbyin gtong/ gsol ba 'debs pa'i rten yin thang dang/ phyi nang gi gdung rten dus chen gyi mchod pa/ zla dus kyi sgrub mchod rnams ni rje gong ma rnams kyi lam srol ji ltar yod pa bzhin/ dbus gtsang gi gdan sa che ba dang/ zhing dag pa'i chos grwa rnams dang/ yul ljongs kyi skye bo'i sbyin gtong sogs ji snyed pa/ gdung nye ba'i zhal ngo zhal bzhugs pa rnams dang/ phyogs kyi tha gru na yod pa'i bu slob rnams kyis sngar srol dag las kyang ches khyad par du 'phags pa tsam du grub pa las/ bye brag tu nang rten rdo rje 'chang rgyab mtho bcu gsum pa/ bal po'i bzo gnas pa mkhas pas/ lta pas chog mi shes pa nyid du grub cing/ nang bzhugs byin