[A:30]gzigs pa yin zer ba'i grags pa 'dug cing/ rig pa'i gnas lnga la phul du byung ba'i mkhyen pa mnga' ba/ ri mo yang spyan gyis gzigs pa la ma ltos par/ sku rgyab ru rtsol med 'dri ba mngon sum du gnang ba thos shing mthong bas mos par byung/ 'di lta bu'i mkhyen rab kyi rgyun bdag la 'phos na snyam/ phag dkar gyi byin rlabs cig gnang dgos zhus pas/ drung pa sku na gzhon nu nas thugs rdzogs che ba'i snyan pa yang yang thos pas ya mtshan che/ da bstan pa la phan pa'i dge ba'i bshes gnyen chen po gcig gi khur bzhes gnang dgos gsung zhing/ dges pa dang bcas te byin rlabs zab nas gnang/ de dus lce'i steng du ghi hu waM gi lanydza'i hriH 'dri ba sogs blo rno ba'i cho ga'i legs byas yang mdzad kyi 'dug pa nges/ de'i rjes su slob dpon kong ka sbyin gyis mdzad pa'i sgrub thabs kyi rgya gzhung de rje rang gis phyag bris su sum bid mdzad de gnang zhing/ bla ma 'dis bdag la thugs dkar ba'i cha'i bka' drin nam du yang mi 'khor ba lta bu yod/ de dus shes rab chen po rang cig byed dgos bsam te/ byang sems rin po che la/ shes rab 'phel ba'i lha rigs 'jam dkar/ dbyangs can ma/ mi g.yo ba/ sher phyin dkar mo rnams kyi bsgrub skor zhus shing/ drung pa chos rje'i spyan sngar/ a ra pa tsa/ smra seng/ 'jam dkar bstan pa'i 'khor lo/ gang blo ma'i bstod sgrub/ 'jam dbyangs rnon po rnams kyi sgrub skor nos/ de'i dbyar lo phu phag bskyed tshal du lha chung chung de rnams kyis mngon rtogs dang 'brel ba'i zlas brjod la 'grus pa dang/ nyi zla gza' 'dzin byung ngo cog la lha so so la