[A:157]bzhugs ces sleng slangs byung bas/ mnga' ris na yod zer ba'i rtsub po de nga ka yin/ 'di rnams cir 'dug byas/ gser rnams bstan nas dad pa la bkod de/ sang snga bar langs gtsang kha nas g.yam leb mtho skor gcig maNDal du khyer nas sman sdings ri bo rgyas pa'i mgul bar 'dzegs te/ byin rlabs zil chen rgyas pa'i lo chen dang mjal 'phral/ rdo'i maNDal gyi steng du gser zho sum cu so bdun bkod/ gang gi mchod rdzas ma'i gyer dang bcas phyag tu dengs par bgyis mtshams/ sngar yang yang du gsol ba btab cing yid la bcags pa'i dus kyi 'khor lo'i dbang rgyud 'grel man ngag dang bcas pa'i bka' drin yang skabs der nye bar thob te/ dus kyi 'khor lo'i sku gsung thugs yongs su rdzogs pa'i dkyil 'khor chen po'i zhal legs par phye nas/ byang sgor phung po khams kyi dri ma rags pa sbyangs nas sku rdo rje'i slad du chu dang cod pan gyi dbang/ lho sgor ngag gi dri ma rags pa sbyangs te/ gsung rdo rje'i slad du dar dpyangs dang rdo rje dril bu'i dbang/ shar sgo yid kyi dri ma rags pa sbyangs te thugs rdo rje'i slad du brtul zhugs dang ming gi dbang/ nub sgor 'pho ba'i dri ma rags pa sbyangs nas ye shes rdo rje'i slad du rjes gnang gi dbang 'dogs dang bcas pa ste byis pa 'jug pa'i dbang bdun stsal/ 'og min gyi srid pa'i mthar thug pa 'jig rten pa'i dngos grub sgrub pa dang/ sems can thams cad kyi 'dren pa nyid kyis bsod nams dang ye shes kyi 'bras bu thob pa'i slad du bdag gis lung bstan zhing/ rjes su gnang ngo zhes dus bsgo la mthar thug gi bar du legs par zhus nas/