[A:158]slar lus kyi dkyil 'khor du gsang ba'i dbang/ kun rdzog byang chub sems kyi dkyil 'khor du shes rab ye shes kyi dbang dang 'jig rten pa'i bzhi pa/ don dam byang chub sems kyi dkyil 'khor du jig rten las 'das pa'i dbang bzhi pa ste dbang bcu gnyis yongs su rdzogs pa dang/ gzhan don la lhag par mnga' bsgyur ba bdag po chen po'i dbang/ nges pa'i bstan so so la bkod nas gong ma bzhi/ tshangs skud sogs sku gsung thugs kyi brda gsum byin pa nyid kyis rgyud ston pa po sogs su byed pa'i tshul rgyud 'grel las ji ltar 'byung ba'i cho ga dkyil 'khor gzhan gyis kha bskangs la cung zad kyang ma ltos par/ bdag slob ma'i nges pa dge slong gi rten gyis dbang las ye shes kyi phyag rgya la brten te/ khyad par de dag dang ldan pa'i dbang bskur ba/ gang du shAkya seng ge mchog gi slob ma zla ba bzang po la sogs pa yongs su smin par mdzad pa'i bgyi ba ji lta yid ches pa gsum dang ldan pa'i gdod ma'i rdo rje 'chang chen po'i gnas la bkod cing/ nam mkha'i rdo rje zhes brdar bzhag pa las rjes su rig pa'i mchog gi rdo rje bzhi'i rang bzhin mgon po nyid kyis ma 'dres pa'i ye shes chen po'i ngo bor chub bzhin pa nyid du legs par khong du tshud nas/ ci byis pa'i slob dpon dag gis bcos ma'i dkyil 'khor 'ba' zhig tu brjod pa'i tshig tsam gyis sgra'i dbang bskur ba dang/ khyad par med pa nyid du ga la sems/ de'i phyir dbang bskur 'di lta bu thob pa las dkyil 'khor ma lus par dbang bskur ba'i nges shes khyad par ba snying la skyes pa la yang the tshom gyis sbags