[A:159]par ma gyur pa'i skal pa bzang po rjes su skyes pa'i mthar/ bsdus rgyud byang chub sems dpa'i 'grel pa skor gsum dang sbyar ba'i mtha' drug tshul bzhi ma lus pa phye ba'i ston pa bzhi ldan gyi go ba'i 'tshang sgrib med du rtogs shing/ tsan dan dang tsan dan gyi dri ltar dbyer mi phyed pa'i rgyud 'grel gyi nges gnas nyid las byung ba'i sbyor ba yan lag drug gi bsgom bya/ phyis 'byung gi bsre bslad sna tshogs su bsgyur ba'i tshong 'dus kyi 'o ma lta bu nyid dang 'dra bar mi spyod pa'i dbang bzhi pa'i don rang gi de kho na nyid sngon du gyur nas de nyid gzhan la 'doms par mdzad pas/ zhal nas byung ba rna ba'i lam la brgyud/ gnyis su med pa'i ye shes gcig pu pa de'i ngo bor son pa'i don rgyud snying la 'phos pa'i yid kyi re ba yongs su rdzogs par gyur te/
sa la spyod pa'i 'og min gnas//
sman sdings ri bo rgyas pa'i mgul//
mgon po nyid kyi bsti gnas der//
bhikShu rU pa rang gi pha//
gdod ma'i rdo rje 'chang chen des//
sgyu 'phrul dra ba'i zlos gar mkhan//
dpal ldan rgyu skar dkyil 'khor cher//
dbang bzhi'i gnas la phyag khrid stsal//
shin tu sad pa sad pa'i bdag//
kun shas kun rig dam pa po//
rnam par shes pa'i chos nyid 'das//
ye shes gnyis med tshul 'chang ba//
rtog med lhun gyis grub pa'i dpal//
ris med dang po'i sangs rgyas der//
ye shes shugs lugs nyid du bsgrubs//
dbugs 'byin rnyed pa bdun pa'o//
slar 'dus pa rigs gsum gyi bka' dbang gnang ba la/ gser zho re re'i maNDal so sor phul/ ras chung snyan rgyud kyi steng go rnam par grol ba'i chos drug/ rje btsun mi las