[A:162]phyir bkris/ shog gsung ba'i bka' stsal phebs byung na'ang/ char chu ches rkyen phran bu 'ga' la brten cung ma thon/ gong nas kyi chibs kha shar phyogs la bsgyur rjes/ rang las kyi rtod phur ma'i mching ba ni grol/ gzhan ngo bsrung 'phreng cha ni shig tsam yang med pas/ lo chen dgongs dbyings sgrub pa dang/ bla ma 'ga' re dang mjal ba/ gnas skor lhag ma rnams bgyid pa la zla ba dgu pa'i dgu mchod nyin dpon slob gsum gyis shar phyogs la yongs te/ thog mar rin chen dkon mchog dpal bzang pa'i drung dang mjal/ gser zho gang gi rnyed pa phul/ tshe rta bsgrags pa'i dbang bskur zhus/ phar yang grub rgyal ma'i tshe dbang zhig phul/ nub cig sa der nyal bas/ gsung las/ na ning nged rnam pas phul ba'i gser ni gcig kyang ma bsnams/ da lo tshogs bsog byas pa'i rje drung rang gi sku skal yin gsung/ rten khabs bzang pa cig/ gser zho gsum/ phyag dril cig/ gsol dkar gcig rnams bstsal mtshams/ rim gyis brgyud nas ri bo che'i mdun du sleb pas/ rdo khral len mis mig thub byas/ nged dpon slob lnga la ras sngon bsgril ma gcig/ ting shags cig/ dril bu gcig rnams sprad kyang gtong 'dod po rang ma byung ba'i lan/ yar lam bcwa ho zhus nas 'bru gcig kyang ma byin pas snying tshim par byung/ de nas ngam rings chos kyi rgyal po'i mdun sar bde bar sleb/ rigs ldan mi'i dbang po yab sras/ dpon sa bdag chen ma yum sras rnams dang mjal te/ sman sdings su lo chen drung du sleb/ gser zho bcu gsum gyi maNDal/ bsil snyan bzang ba cig/ rgya bum gcig/