[A:274]re bzhin bkra shis kha dag cig gis sna grangs pa'i dar chen dpus grus kha dog so so'i snyan dar re re/ spos mar me lha shos maNDal so bdun ma yan lag bdun pa dang sbrel ba'i phyag mchod smon lam bgyis pa'i thugs rje nyid du mngon zhing/ de mthun grub chen kun dga' blo gros pa'i sku gdung sho ma ri chung na bzhugs pa'i drung du yang snyan dar dkar me sogs yang yang phul/ snying nas smon lam dang gsol btab bgyis so//
de dus mchog dbang yan la gser mgur mo so bdun 'grig pa dang ras yug po bdun rnams gser mdog can du dgun chos kyi thug tshul la phul bas sngon med kyi thug tshul byung skad cing/ mchog dbang phyin nas sbyor drug nam grol ring la byung ba'i gser rnams la zho so bdun byung ba chos kyi grol ston dang bsngo ba'i rgyas 'debs rten du zab lam rdo rje'i rnal 'byor gyi ting nge 'dzin 'khrul med ye shes chen po dngos su gzigs pa'i mkhan rin po che'i drung du phul zhing/ khrid pa rnams kyang gegs med ye shes kyi lha mig rnam par dag pa'i skal ba mchog gi las can 'ba' zhig tu gyur la/ dad mos kyi 'bul 'degs kyang blo'i yul 'das rang byung ba dag kyang gang la gang 'os kyi sbyin pa'i zhing dag la ser sna med par sbyin la/ de dus khrid de ring grol rgyu'i tho rangs bdag gi sngas mgor mkha' 'gro ma shing lo'i gos can zhig gis khyod kyi nges don zab mo'i bstan pa spel ba'i legs dar du byung shambha la'i pho brang gi ma la ya'i bskyed tshal nas khyer yongs pa yin zhes a ru ra rlon pa yongs su smin pa'i 'bras bu ro dro ba'i mchog bdud rtsi bsil dngar dang bcas pa gcig dngos