[A:76]khyod rang gi yod dgu gos gser ma'i snam sbyar phul/ skyar chags su gsol ba btab pa'i don la/ rje'i thugs rjes gzung ba'i rten 'brel yang yang 'grig pa dka'/ da lta rang song gsung ba la/ do nub 'phyis pas sang snga bar 'gro zhus nas phyin/ bcu bzhi'i nyin sta gon/ bco lnga la dngos gzhi legs par thob rjes/ dgon par tshes bcu'i nub nas drung pa chos rje cung zad snyung zer 'bod mi byung/ sku mdun du byin pas/ sku khams cung zad ltem pa'i rnam pa 'dug na'ang/ sku mdangs sngar las kyang ches lhag par gsal bar 'dug pas/ mjal bas blo bde bar byung/ de'i gnangs bcu bdun gyi nyin phyed gung thun mdzad grub mtshams/ spyan ras gzigs zhal bcu gcig pa'i bdag bskyed rdzogs par gnang/ bzlas pa'i na mo ratna trayA ya/ na maH Arya dznyA na sA ga ra bai ro tsa na/ byu ha rA dzA ya zhes pa'i tshig mtshams 'dir/ zhi ba'i dbyings la thugs kyi dang ba stobs su gyur pa'i zhal 'dzum pa'i mdangs dang bcas bzhin du/ bdag cag rtag 'dzin can rnams skyo ba bskyed pa'i phyir/ sprul pa'i sku chos kyi dbyings su bsdu ba'i mdzad pa tha ma gces mthong du gyur pa de/ brtse chen yab kyis bor ba'i phru gu tol med nyam ngar lus/ mig mchis ma 'dzag cing gdung rin po che'i zhabs la gtugs te mya ngan gyis yid non pas smre bzhin gsol ba 'debs pa'i skad cig de nyid la/ shangs bug nas byang sems dkar po'i rgyun sgra dang bcas bzhi thun zhig tu bar ma chad pa'i ltas dang/ ye shes gong 'pho ba'i bseb lam gyis mi slob pa zung 'jug rdo rje 'chang chen po'i sa mngon sum du mdzad