[A:111]chen songs pa sku mched 'bri khung chos sde sogs kyi chos lugs rgyun chad pa gso ba'i mdun pas/ bya btang chen po chos kyi grags pa las/ dgongs gcig pod lung/ lnga ldan nor bu'i phreng ba khrid nyan nas rje rin po che chos lung pa la gdams pa zab mo nor bu mthong grol gyi ma bzhi bu bcu bdun tshang par nos mtshams/ sngar gser mdog can nas rten 'brel gyi sgrig phyogs dbu btsugs te byin rlabs zil chen rgyas pa'i lo chen drung du/ zhe la dus kyi 'khor lo skyes rags don grub rnam par dag par bshad pas/ 'di dang phyi ma byang chub snying po la mthar thug pa'i bar phyi nang gzhan gsum gyi phan bde ma lus pa'i rtsa lag dngos grub thams cad kyi re gnas su gyur pa'i mchog gi rdo rje slob dpon/ yid kyi 'jug yul gcig tu gtod pa zhig zhu bsam pa byas/ 'phral zhu yig nang du/ dpal mi pham mgon 'jig rten mig 'byed zha lu lo tsA ba'i bka' dam tshig gnyan po'i rwa ba las mi 'da' ba/ bdag cag rmongs pa'i snang ngor sangs rgyas bstan pa'i rgyun la dgongs pa gcig gi khrel yod kyi mtshon byed dang sku rags 'di 'bul ces/ dus 'khor gyi dbang rgyud man ngag zhu ba'i snyan gsan 'bebs pa la sman sdings ri bo rgyas pa'i mgul der/ ming bkra bzang bar 'dug pas kun dga' dpal dbang grogs mched pa brdzangs pas/ dus gsum la chags thogs mi mnga' ba'i ye shes kyi gzigs pa mkha' khyab kyi ngang nas bka'i cod pan thog mar phebs pa'i tshigs bcad nang na/ rjes don grub rang bzhin skyed rags bstsal/ ces bsam pa'i gnas dgongs pa'i 'tshang yul nas bton/ gnang sbyin