[B:52b]
cig mdzad/ pha bla ma de'i bka'i cod paN gtsug tu bsten te/ ji ltar bstsal ba las nam du yang mi g.yo zhing / bzhed pa'i don ma lus pa sgrub pa la ngal ba med par rnam thos kyi bu'i bang mdzod la longs spyod pa lta bu'i sku gsung thugs kyi rim gro pa nye gnas chen mo brgya byin sogs so/ /
gzhan yang rje 'di ni dbang bcu thugs la [A:174]'byor zhing / brjid chags pa dang / bden pa smra ba dang / sngags kyis gsung byin gyis brlabs pa sogs kyi sgo nas 'di'i bka' dngos su bstsal nas sus kyang bgom par mi nus pas bka' bzhin sgrub par byed do/ /
slar smras pa/
phul byung mkhyen pa'i chu 'dzin che las grangs med chos kyi char phab cing / /
rtsod pa'i gnam lcags rdo rje'i zer gyis rgol ba'i klad pa 'thag par mdzad/ /
rtsom pa legs bshad dbyar gyi rnga chen phyogs dus kun tu bsgrags pa las/ /
skal ba mchog gi gdul bya'i lo thog phyogs rnams kun tu rgyas par gyur/ /
dam chos gsung ba phal cher gdul bya yi/ /
bsam pa'i snod yangs 'gengs la chu thigs bzhin/ /
khyod ni zab yangs chos chu'i char chen po/ /
kun tu ris med 'bebs pa'i rdzogs ldan sprin/ /
'gro la bdud rtsir 'gyur ba'i legs bshad kyi/ /
skyes bzang snga na med pa'i chos kyi gtam/ /
nga rgyal gyis mtho mkhas pas
pa'ipa'i spyi bor yang / /
bde gshegs bka' yi me tog phreng bzhin len/ /
phas kyi rgol ba stong gis mi brdzi ba'i/ /
phyogs las rnam par rgyal ba'i khyu mchog khyod/ /
dgag sgrub seng ge'i khri la bzhugs tsam gyis/ /
mngon rlom [A:175]dregs pa brgya dag zil gyis mnon (=gnon )/ /
rtog ge'i dug chus lto ba khengs pa las/ /
wa skyes bzhin du dregs pa'i nga ro yis/ /
khyod la rgol bar byed rnams rang nyams pa/ /
phye leb mar me'i 'od la 'dzing ba bzhin/ /
nyid gsung chos kyi bdud rtsi ro brgya pa/ /
rnam dpyod ro 'dzin skyon med kyis myong na/ /
nyes bshad dri nga mi zad gzhan gzhung gi/ /
ngan skyugs dag la su zhig dga' bar byed/ /
'on kyang 'di na phrag dog gis myos pa'i/ /
skal ngan kha cig khyod gsung mi 'dzin pa/ /
kun dga'i pad tshal bor nas sbrang ma gzhan/ /
mi gtsang phung