[B:59a]dang / rma bya'i mgrin pa ltar mdzes pa'i rtswa rdo rje sems dpa'i tshe'i dpal dang ldan zhing /
gang byang chub snying po la 'dug pa'i gdan dam par bsngags pa rtswa dur ba'i chun po dang / rnam par ma tshang ba med pa mngon du gyur pas 'jig rten dang 'jig rten las 'das pa'i bde legs thams cad kyi 'bras bu byang chub mchog gi snying por gyur pa shing thog bil ba dang / bdud bzhi'i chu srin rnam par 'bigs shing [A:197]g.yon min du 'khyil ba'i bkra shis pa'i mtshan ma can/ theg pa gsum gyi chos kyi sgras sems can thams cad ma rig pa'i gnyid las slong bar byed pa'i chos kyi dung dang / padma rA ga ltar dmar ba'i 'od kyis gang la reg pa nyid bdag gir bgyid pa'i dbang gi phrin las can/ chos kyi rgyal srid mchog gi go 'phang stsol ba tshon li khris byur bur gang ba'i man shes rab kyi skyogs dang / rdo rje'i tsha tsha drag po'i char 'bebs pas bgegs kyi phyogs ma lus pa phye mar 'thag pa'i mthu stobs can rdo rje'i yungs dkar gyi gtams pa'i yol go ste/ sngon thub pa drang srong chen pos bkra shis pa'i rdzas su byin gyis brlabs pa'i bkra shis rdzas brgyad kyis spras pa'o/ / shes rab kyi dbang po sogs lnga mthar phyin pa'i sgyu 'phrul bang rim bzhi pa'i phyogs bzhi'i bab le dbus ma bzhi la/ rab dgyes dpa' bo he ru ka rdo rje 'chang ba'i rigs kyi cod paN can rdo rje dga' ma mnyam par sbyor ba'i phyag rgya sra zhing brtan pa'i rang bzhin can rdo rje dang / nyi ma stong bas lhag pa'i 'od kyi phung po bye ba bye ba'i 'od ris mtha' dbus med par spro ba'i rin po che [A:198]mchog gi cod paN rnam par bcings pa'i rigs kyi dpa' bo rin chen dga' ma dang gnyis su med par sbyor ba'i phyag rgya rin po che dang / chags pa med pa'i chags pa chen po'i dmar 'od can gyi 'dab ma stong phrag ldan pa'i chu skyes gsar pa'i cod paN can snang ba mtha' yas pa'i rigs kyi dpa' bo padma ra tI dang
mnyam par spyod pa'i phyag rgya padma lang tsho dar la bab pa dang / phrin las rnam pa bzhis sems can rnams yangs pa'i