R1: chos kyi rje thams cad mkhyen pa rdo rje gdan pa chen po kun dga' rnam rgyal dpal bzang po'i rnam par thar pa ngo mtshar rin po che'i gter mdzod/ {bod yig glog rdul dpe cha/}

  • Pagination (Witness B): 60b
[B:60b]pa'i phul kun tu 'chang yang / gnyis su 'dzin pa'i ra ri mi mnga' bas chos thams cad kyi ngo bor bzhugs mod/ gang la gang 'dul ba'i thugs rje dang thabs mkhas pa'i phrin las rgyun mi chad pa'i dbang 'byor ba/ bla ma dpal rab dgyes he ru ka de nyid dpa' bo mkha' 'gro mchod pa'i byed pa po bsam gyis mi khyab pas phyi nang gsang ba de kho na nyid kyi mchod sprin dus yol ba med par spro ba'i dbus na/ sems can gyi khams ji srid kyi bar bzhugs pa'o/ / de nas pu shu ste bre ni 'phags lam brgyad kyi bkod pa phun sum tshogs pa'i bre rten gyi ngos la se chen gan mdzod ma zhes pa sogs kyi rin po che mtshungs bral bzhis brgyan zhing / kha khyer bzhi la dpal dgyes pa rdo rje he ru ka bzhi'i snying po las/ sku rdo rje zhal gcig phyag gnyis pa'i snying po oM tre lo kyA kShe pa hUM hUM hUM phaT swA hA/ gsung rdo rje zhal gsum phyag bzhi pa'i snying po oM dzwa la dzwa la bhyo hUM hUM hUM phaT swA hA/ thugs rdo rje zhal gsum phyag drug pa'i snying po oM ka Ta ka Ta badzra hUM hUM hUM phaT swA hA/ [A:203]snying po kye rdo rje'i snying po oM de ba pi tsu badzra hUM hUM hUM phaT swA hA/ zhes pa rnams 'phags yul mchog gi yi ge'i rnam par spras pa'o/ / de'i steng du/ shes pa bcu'i snying po can gyi srog shing la brten pa'i stobs bcu dang dran pa nye bar gzhag pa gsum gyi 'khor lo brtsegs ma bcu gsum la/ dpal rdo rje theg pa'i yang snying thabs dang shes rab gnyis su med pa'i bdag nyid can kye rdo rje mchog gi gzhi lam 'bras bu'i chos kyi phung po dus chad pa med par gsungs pa'i yang rtse lam 'bras bu dang bcas pa'i bla ma brgyud pa'i rim pa khyab bdag rdo rje 'chang chen po nas/ thams cad mkhyen pa rdo rje gdan pa chen po'i bar gyi bla ma rnams kyi mtshan rin po che'i phreng ba legs par sbyar ba'i skad las drangs te/ 'phags yul gyi lanydza'i snang brnyan du rim par bkod la/ rin po che'i bye brag bsam gyis mi khyab pas kyang nye bar mdzes pa'o/ / de'i steng du char lebs ni bden pa gnyis mthar phyin pa'i byang chub kyi sems dmigs pa'i phyogs su lhung ba thams cad dang bral ba'i thugs rje chen pos 'jig