[B:3b]bdag nyid can gyi [A:6]theg
pa'i dga' ston la sbyar te/ mkhas pa dang grub pa dag gis sa'i khor yug ma lus pa khyab par mdzad pa ni/
lha dang bcas pa'i 'jig rten ma lus pa'i 'dren skyabs zla med pa rje btsun 'jam dpal dbyangs kyi sgyu 'phrul gyi snang brnyan dpal sa skya pa chen po yab sras slob brgyud dang bcas pa yin la/ de lta bas na thub pa sangs rgyas bcom ldan 'das kyi bstan pa rin po che spyi dang / khyad par gyi bstan pa mchog dang bcas pa ni dus snyigs ma lnga bdo ba'i dbang gis cung zad dri ma can du 'gyur ba'i gnas la nye ba na/ slar yang rgyal ba thams cad gsung rdo rje nyid kyi rnam par 'phrul pa thu btsun thams cad mkhyen pa kun dga' rnam rgyal dpal bzang por grags pa'i chos kyi nyi ma dam pa bltams te/ rgyal ba'i gsung rab dgongs 'grel dang bcas pa ma tshang ba med pa la thos bsam sgom gsum phyag bzhes su btab/ chos thams cad la ji snyed pa mkhyen pa dang / ji lta ba gzigs pa'i spyan ras yangs par gyur pas/ 'chad rtsod rtsom pa la sogs pa mkhas pa'i bya ba rnam gsum gyis mkhas pa dang grub pa'i tshogs thams cad kyi slob [A:7]dpon du gyur/ rigs brgya'i khyab bdag rgyal ba rdo rje sems dpa' nyid dang dbyer ma mchis pas/ phyi nang gi gsang sngags rgya mtsho'i dkyil 'khor chen po'i 'jing nas dbang gi chu bo chad pa med par 'bebs pa'i rdo rje'i slob dpon bla na med pa'i go 'phang dang phrin las la dbang 'byor ba can/
Merit and Meaning of Composition
mdor na bstan pa 'di nyid la rgyal ba shAkya seng ge dang rnam par thar pa mtshungs pa ni rje btsun chos kyi rje thams cad mkhyen pa rdo rje gdan pa chen po kun dga' rnam rgyal dpal bzang po