[B:37b]g.yas kyi thad ka ba'i mdun na rta mchog gi khri la lho phyogs kyi bcom ldan 'das rin chen 'byung gnas so/ / dbu'i thad g.yon gyi ka [A:118]ba'i mdun na rma bya'i khri la nub phyogs kyi bcom ldan 'das 'od dpag med do/ / g.yon zur gyi ka ba'i mdun na mkha' lding gi khri la bcom ldan 'das don yod grub pa rnams de nas pad sdong cung zad 'phags pa zla gdan dang bcas pa rnams la/ shar phyogs kyi sems dpa' bzhi rim pa bzhin rdo rje sems dpa' dang / rdo rje rgyal po dang / rdo rje chags pa
dang / rdo rje legs pa'o/ / lho phyogs kyi sems dpa' bzhi la rdo rje rin chen dang / rdo rje gzi brjid dang / rdo rje rgyal mtshan dang / rdo rje bzhad pa'o/ / nub phyogs kyi sems dpa' bzhi la rdo rje chos dang / rdo rje rnon po dang / rdo rje rgyu dang / rdo rje smra ba'o/ / byang phyogs kyi sems dpa' bzhi la rdo rje las dang / rdo rje bsrung ba dang / rdo rje gnod sbyin dang / rdo rje khu tshur ro/ / de nas shar lho la sogs pa'i nang gi grwa bzhi la rdo rje sgeg mo dang / rdo rje phreng ba ma dang / rdo rje glu ma dang / rdo rje gar ma ma'o/ / sems dpa' rnams kyi phyi rol gyi phyogs bzhir nang gi sgo ba bzhi ni/ rdo rje lcags kyu dang / rdo rje zhags pa dang / rdo rje lcags sgrog dang / rdo rje 'bebs pa'o/
/de nas phyi'i shar lho la sogs pa'i grwa bzhir/ rdo rje bdug pa [A:119]ma dang / rdo rje me tog ma dang / rdo rje mar me ma dang / rdo rje dri chab ma ste rtsa ba'i lha rnams dang / ri mor bzhugs pa la/ shar phyogs kyi logs la byams pa la sogs pa'i bskal bzang gi sems dpa' nyis brgya dang zhe dgu/ lho phyogs kyi logs la dpal sbas la sogs pa'i sems dpa' nyis brgya dang zhe dgu/ nub phyogs kyi logs la ye shes grags pa la sogs pa'i sems dpa' nyis brgya dang zhe dgu/ byang phyogs kyi logs la spyan sdug pa'i zhal la sogs pa'i sems dpa' nyis brgya dang zhe dgu rnams bkod pa'i khyad par dang bcas te'o/
/sgo dang phyogs gzhan gyi dkar gsal rnams kyi g.yas g.yon gyi logs la/ dkyil 'khor gyi lha tshogs la mchod pa'i lha mo rig ma bcu drug dang / de rnams kyi steng na yang rdo rje lcags kyu la sogs pa'i phyi'i sgo ba bzhi rnams bzhugs shing / gzhal med khang pa de'i steng phyogs mdog dang / rtsig pa lnga sbrag