[B:37a]'phrul chen mo gnyis chu skyes kyi sdong po gyen du cher 'phags [A:116]pa'i steng zla ba'i gdan la rgyal po rol pa'i bzhugs stangs dang / phyed krung gi tshul gyi 'os su gyur pa'i rgyan sna tshogs dang / na bza' lhab lhub kyis klubs te zhi ba'i 'dzum mdangs dang bcas te bzhugs pa'o/ / de nas ri mor bzhugs pa'i bkod pa la/ thub pa chen po'i snyan gyi g.yas g.yon gyi shar phyogs kyi logs la de bzhin gshegs pa mar me mdzad dang / rgyal tshab byams pa mgon po ste gtso bo nyid dang dus gsum gyi sangs rgyas dang / g.yas phyogs kyi ngos la rim pa bzhin/ rnam gzigs dang / gtsug tor can dang / thams cad skyob rnams/ g.yon phyogs kyi ngos la rim pa bzhin/ 'khor ba 'jig dang / gser thub dang / 'od srungs rnams te yang gtso bo nyid dang bcas te sangs rgyas rabs bdun no/ / mdun phyogs kyi g.yas ngos la sman gyi bla dang / g.yon ngos la 'od dpag med rnams so/ / de ltar dri gtsang khang gi ngo mtshar ba'i rten phun sum tshogs pa'i drung na/ gser dngul/ gos dar la sogs pa'i mchod pa'i sprin phung bsam gyis mi khyab pa dang bcas te'o/ / de'i steng bar thog rdor dbyings lha khang ka chen bzhi 'phrul ka bzhi dang [A:117]bcas te brgyad kyi phub pa'i gzhal med khang na/ rnal 'byor gyi rgyud de nyid 'dus pa nas gsungs pa'i bcom ldan 'das rdo rje dbyings kyi dkyil 'khor chen po'i lha tshogs bzhugs pa las/ rtsa ba'i lha rnams 'bur dod du bzhugs pa'i dbus su seng ges btegs pa'i khri pad zla'i gdan/ rgyab yol rnam grangs khyad par ba dang / zur gyi ka hril bzhi la 'brug rigs mi gcig pa rnams 'khril te nor bu la bsnyeg pa sogs bkod ris phun sum tshogs pa dang bcas pa la bcom ldan 'das rnam par snang mdzad sku ches mtho ba dang / de'i khri'i zur bzhir gsang ba'i yum bzhi la sems ma rdo rje ma dang / rin chen rdo rje ma dang / rdo rje chos ma dang / las kyi rdo rje ma rnams/ rdo rje dang rin po che dang padma dang sna tshogs rdo rje ste phyag mtshan gyi dbyibs su gdan gyi khyad par dang bcas te bzhugs so/ / gtso bo'i g.yas zur ka ba'i gdong na glang po che'i khri la shar phyogs kyi bcom ldan 'das mi bskyod pa/ sta zur