[B:44a]su skong ba'i nor lha'i rgyal po chen po rnam thos kyi bu ser chen ri dgasdwags kyi rgyal po'i gdan la gnas pa dang / lho nas byang gzigs la/ lha dang bcas pa'i 'gro ba ma lus pa dbang du bsdud cing / sgrub pa po'i 'dod dgu ma lus stsol bar mdzad pa'i nor [A:143]lha tshogs bdag dmar po phyag bcu gnyis pa mig gi yul du gyur pa tsam gyis yid g.yo bar byed pa/ 'di rnams rgya bod kyi sa sna dang rgyu khyad par can las grub pa 'bur dod du bzhugs shing /
ri mor gnas pa la/ gung gi steng gi cha la rje sa skya pa chen po dang rnal 'byor dbang phyug gnyis/ gzhan la dur khrod kyi bkod pa
dang / byang logs la steng na phyag rdor khang bu brtsegs pa dang / gnod sbyin rta bdag brgyad dang bcas pa/ lho ngos kyi steng la bde mchog lhan skyes/ tshogs bdag dkar po dang / dmar po phyag bzhi pa rnams bzhugs so/ / de dag na so so'i phyag rten rdzas/ spyan gzigs/ gtor tshogs dang bcas pas gang ba'o/ / de'i mdo na yang / rje btsun brag thog pa nas nye bar brgyud pa'i yi dam/ gur mgon/ zhal bzhi yongs rdzogs gsum gyi gos thang byin rlabs can gyi thang sgam la phyag dam 'byar ba dang / yang gnyan gyi mgon po yongs rdzogs kyi sku bris 'bur gnyis pu tra lcam sring lnga dang / rje btsun nyid kyi zhal 'bag che chung he ru ka'i chas drug sogs dang / dus rgyun ldan gyi bzhugs gdan/ mchod cog tshang ma/ rgyud sde gong 'og gi dbang rdzas [A:144]rgyu rin po che la sogs pa gang 'os las grub pa'i ma tshang ba med pa dang / gzhan yang stong skud sna lnga'i gos mdos ri rab sogs bzo dbyibs khyad du thon zhing rin po che du mas bsgrubs pa dang bcas pa gsum/ gtor tshogs/ spyan gzigs mda' dar sogs kyis yongs su gang ba'o/ / de'i byang na bsam gtan la rtse gcig tu rol ba'i gzim chung mun khang bzhugs gdan sogs cha tshang ba dang bcas pa'o/ / de'i steng na dkar phibs byang ma'i shar chos skyong gi dbu'i thad na rje btsun brag thog pa chen po'i dar sku chos rje nyid kyi sku mdun du bzhengs shing / phyag nas kyang lan mang du mdzad pa'i ches ngo mtshar ba'i bzhugs khri/ bzhugs gdan/ tsan dan gyi mchod cog gser ma/ mchod cha tshang