[B:43b]kyi khra
mama'i nang na dpal rdo rje nag [A:141]po chen po gur gyi mgon po grub pa'i dbang phyug bram ze mchog sred kyi gzigs snang dang mthun pa la pho nya lnga sprul dang bcas pa/ de'i g.yas phyogs nas rim pa bzhin dpal gnyan gyi mgon po bram ze'i gzugs can sku rngam brjid dang ldan pa sngar zhal gzigs pa'i tshul bzhin du bkod pa mthong ba tsam gyis sngangs par byed pa zhig dang / sku g.yas g.yon gyi grangs tshang bar bya ba'i phyir dang / don du gtso bo nyid dang dbyer ma mchis pas mdun gyi pho nya mi nag bla phyogs su nga ro 'bod pa'i tshul can dang / ma rungs pa'i tshogs bsdigs par byed pa la dpa' ba'i gnod sbyin nag po zhing lpags gyon pa dang / mtshan mo'i mun pa ltar gnag cing sha khrag gi dri tshor na skad cig la gling bzhi nyul bar byed cing za 'og gi gos gyon pa gnod sbyin mo dang / g.yon phyogs nas rim pa bzhin 'dod pa khams kyi dbang phyug ma mgrin bzang la bcibs pa nyams pa tshar gcod cing sgrub pa po la dngos grub stsol bar mdzad pa blta bas bzod par dka' ba'i nyams can dang / rgyal ba'i bka' srung gi pho nya'i gtso bo legs nyes kyi stangs 'dzin par byed pa mon bu [A:142]pu tra nag po dang / bdud kyi dmag tshogs bzlog par byed cing dam nyams kyi dbugs len pa dang snying 'jibs par byed pa bdud ma rungs pa'i cha byad mon pa bha Ta dang / dam tshig can gyi rjes su 'brang ste bka' sgrub pas/ ji ltar bskul na khams gsum yang skad cig gis bskor te dgra bgegs tshar gcod pa'i sring mo khrag mig ma sogs thams cad kyang dur khrod kyi chas kyis brgyan zhing / rang rang gi mtshon cha sogs dang bcas pas dur khrod 'jigs su rung ba dang ye shes kyi me dpung chen po'i dbyings na bzhugs pa'o/ / gtso bo'i sku'i 'og na rten gyi dkyil 'khor mtshan nyid tshang ba dang / lha mo dang gnyan mgon gyi sku'i 'og na yang rang rang gi sgrub yig dang mthun pa'i rten gyi bkod pa re'o/ / byang nas lhor gzigs pa la/ 'gro ba rnams kyi dbul ba 'phrog cing re 'dod ma lus pa yongs