R1: chos kyi rje thams cad mkhyen pa rdo rje gdan pa chen po kun dga' rnam rgyal dpal bzang po'i rnam par thar pa ngo mtshar rin po che'i gter mdzod/ {bod yig glog rdul dpe cha/}

  • Pagination (Witness B): 45a
[B:45a]'phags pa rin po che'i thugs dam bcom ldan 'das kye rdo rje'i dkyil 'khor ma pra btags las grub pa dang / chos skyong gur gyi mgon po'i sku ding bon thags las grub pa'i ngo mtshar ba gnyis dang / chos rje dpal ldan bla ma dam pa'i thugs dam chos skyong gur gyi mgon po'i sku bal ris las grub pa rnams sku tshad khyams stod kyi thog tshad dang mnyam pa/ gsar bzhengs kyi gur mgon gyi gos thang sku tshad de gsum [A:147]dang mnyam pa/ 'phyar sku che chung nyi shu rtsa brgyad/ gsung rab rgyud kyi gzhung gtso che ba/ rje btsun sa skya pa rnams kyi gsung 'bum ma lus pa dang / rje btsun brag thog pa dang / rje nyid kyi gsung rab gtso che ba sogs/ chos tshul rgyun mi chad pa'i slad du par du bsgrubs pa dang / thar pa chen po'i gzhal med khang 'dir 'jug pa'i them skas kyi g.yas g.yon gyi rtser/ gzhan las rmad du byung ba'i bstan pa'i ring lugs dri ma med pa 'di nyid na'o/ / zhes mtshon par byed pa'i dpal ldan sa skya pa yab sras kyi mtshan yang dag pa'i khang bu tog dang bcas pa re/ phyi'i khor yug nyams bde ba la yang / bla ma rnams kyi mtshan 'bum sogs rdo brkos kyi bkod pa tshar du dngar ba dang / mgon khang chen mo'i phyi ngos na chos skyong gi rten rnga thug ches mtho ba gsum gyi rten/ gtsug lag khang gi mdun zur g.yas g.yon chos kyi sku'i rten rdo rje gdan du bdud btul ba'i tshe brtsigs pa mngon par byang chub pa'i mchod rten dang / wA ra Na sir chos kyi 'khor lo bskor ba'i tshe brtsigs pa bkra shis sgo mang sam ye shes mchod rten gnyis tshad ldan zhing brjid chags [A:148]pas dad pa 'dren pa'i rten du bzhugs so/ / de ltar rten dang brten par bcas pa'i gtsug lag khang gzhan las bkod pas khyad par du 'phags pa/ phun sum tshogs pa'i dge 'dun gyi sde/ mdo sngags kyi bshad sgrub kyi bstan pa'i rgyal mtshan tshangs pa'i 'jig rten gyi bar bsgrengs ba 'di nyid yin no/ /
OUTLINE OF THE MONASTERY'S RELOGIOUS PRACTICES; A: pp. 148.6-149.10; B: ff. 45a7-45b4 slad nas kyang bshad sgrub kyi bstan pa'i rgyun mi nub cing ji srid kyi bar du gnas pa'i phyir/ mdo sngags kyi bshad nyan dang / rgyud sde rin po che rnams kyi nyams len gyi rim pa/ cho 'phrul chen po'i zla ba la rdo rje gur rigs bsdus pa la sogs pa bla med pa'i rgyud sde gong 'og gi