[A:218]mo sum brgya'i dkyil nas/ sus ngo shes pa la ster bar thag chod 'dug pas/ spyang glen ma nor ba zhig byed dgos zer ro/ /de nas zhag gsum gyi nyin par bu mo rgyan gyis brgyan pa sum brgya shar sgo'i thang la bsgrigs so/ /rgya nag gi mi thams cad ltad mo la 'tshogs/ der rgyal po'i zhal nas/ blon po rnams sngar gyi go rim bzhin bdoms shig gsung ngo / /der rgya gar chos kyi rgyal po'i blon po rnams byung ste/ gral gyi dkyil nas bu mo chas bzang zhing mdzes pa gnyis khrid nas gcig min kyang gcig yin te 'ong zer nas/ 'u sgra dang bso sgra 'debs kyin song ngo / /de'i rjes la stag gzig nor gyi rgyal po'i blon po rnams byung ste/ bu mo mdzes ma gnyis khrid nas sngar ltar byas nas song ngo / /de'i rjes la ge sar dmag gi rgyal po'i blon po rnams byung ste/ bu mo mdzes ma gnyis khrid nas/ snga ma ltar byas nas song ngo / /de'i rjes la bha ta hor gyi rgyal po'i blon po rnams byung ste/ bu mo mdzes ma gnyis khrid nas snga ma ltar byas nas song ngo / /der blon po mgar gyis bltas pas/ de rnams thams cad min par shes te/ rab tu dga' nas 'dzum mul gyis shor ro/ /der mgar gyis mda' de lag tu khyer/ bod blon rnams khrid de/ g.yon gral du gtad phyin nas/ gral gyi mtha' ma'i bu mo de la/ mgar na re/ 'di ni bshan pa'i bu mo 'dra/ /lag pa 'di yi dmar lugs sam/ /de yi gong na 'dug pa de/ /rdza mkhan zhig gi bu mo 'dra/ /lag pa'i ser kha mang lugs sam/ /de yi gong na 'dug pa de/ /shing mkhan zhig gi bu mo 'dra/ /gos log 'di yi skya lugs sam/ /de yi gong na 'dug pa de/ khrab mkhan zhig gi bu mo 'dra/ /steng gos 'di yi snum lugs sam/ /de yi gong na