[A:221]gsol ba/ yab gcig rgyal pos bka' gnang ngam/ /a ma yum gyis gnang lags sam/ /jo jo ming pos tshig shor ram/ /e ma mi srid ngo mtshar che/ /bod kyi yul der bdag gtong na/ kha ba can gyi yul phyogs der/ /bsil zhing grang la sa rong rtsub/ /lha klu 'dre srin gdug pa mang / /gangs ri gcan gzan mche ba 'dra/ /brag ri 'brong gi rwa dang 'dra/ /nyams mi dga' zhing blo mi bde/ /'bru sna mi 'khrungs mu ge'i gnas/ /gdol pa sha zan srin po'i rigs/ /spyod pa rtsing ba kla klo'i mi/ /mtha' 'khob sangs rgyas zhabs ma bcags/ /chos med ma rig mun pa'i gling / /mchod pa'i rten dang gnas med cing / /bsod nams bsog pa'i rten med pas/ /de 'dra'i yul du 'gro dgos na/ /yab kyi mchod gnas yi dam lha/ /shAkya mu ne bdag la zhu/ kha ba can ni bkres pa'i yul/ /rin chen bang mdzod bdag la zhu/ kha ba can ni bsil la grang / /tshe gcig dros pa'i gos cig zhu/ /bod ni gdol ba gtsang btsog med/ /g.yog mo'i skyo grogs bdag la zhu| |de ltar mtha' 'khob yul phyogs der/ /bod kyi mi dang 'grogs pa'i dus// bdag gis spyod lam ji ltar bya/ /zhes mchi ma phyis nas zhus pas/ yab kyis thugs brtse ba'i bka' gnang ba/ nga yi mig dang 'dra ba'i bu mo khyod/ /bod ces bya ba kha ba can gyi yul/ /yul las khyad par 'phags pa de yin te/ / gangs ri rang bzhin mchod rten grub pa'i gnas/ /mtsho bzhi g.yu yi maNDal bkram pa 'dra/ /ya mtshan gser gyi me tog rgyas pa'i gling / /bsil la mdzes pa lha gnas gzhal yas khang / /chu bo bzhi 'bab shing rtsi nags kyis mdzes/ / 'bru sna lnga 'khrungs rin chen sna tshogs 'byung / /rkang bzhis kun khyab rtsi thog