[A:222]mar la spyod/ /de ltar ngo mtshar che ba'i gnas mchog der/ /rin chen rgyan gyis mdzes pa'i pho brang na/ /mi rje lha yis mdzad pa'i rgyal po de/ /'phags pa thugs rje chen po dngos su 'dug /thabs mkhas thugs rje ldan pa'i rgyal po yin/ /mi dge bcu spangs dge bcu'i khrims la gnas/ /mnga' thang dpal 'byor 'dod rgu'i dpal la spyod/ /yon tan mtha' yas rgyal po lha yi sras/ / dpa' mdzangs kun 'dzom 'khor rnams byang chub sems/ /de 'dra'i gnas su bu mo khyod song shig /mdzes ma khyod kyi bsod nams bsags pa'i rten/ / bdag gi mchod gnas ston pa'i sku gzugs 'di/ /yon bdag lha dbang brgya byin khong gis mdzad/ /rgyu ni rin chen rnam pa bcu las grub/ /'di yi bzo bo bi shwa karmas mdzad/ /rab gnas sangs rgyas nyid kyis mdzad pa lags/ /de ltar 'gran med rgyal ba'i sku gzugs 'di/ /mthong thos dran reg gsol ba btab gyur pas/ /sangs rgyas myur du thob par rgyal bas gsungs/ /de ltar phan bde 'byung ba'i jo bo 'di/ /bdag gi snying dang 'dra bar phangs na yang / /mdzes pa'i bu mo khyod la bdag gis brdzangs/ /rin chen bang mdzod mang po nor gyi gter// bdag la gces pa'i rin chen mang po yang / /mdzes ma'i bu mo khyod la bdag gis brdzangs/ /gser g.yu brtsegs pa'i yig tshang chen mo dang / /gtsug lag yi ge sum brgya drug cu dang / /gser g.yu rgyan gyi rnam pa mang po yang / /mdzes pa'i bu mo khyod la bdag gis brdzangs/ /g.yos sna zas kyi rnam pa mang po dang // btung ba skom gyi sbyor thabs mang po dang / /gser sga g.yu yi ka leb can la sogs/ /mdzes pa'i bu mo khyod la bdag gis brdzangs/ /za 'og stan thul seng