[A:224] blon po chen po khyed kyi yul du jo bo shAkya yang gdan 'dren/ nor dpag tu med pa'ang khyer nas khyed kyi yul du 'gro/ khyed kyi yul na sa kham pa yod dam/ rdo srin zan yod dam/ shing se ba yod dam/ rtsa dred ma yod dam/ nyung ma yod dam/ zer ba la/ mgar na re/ gzhan rnams yod/ nyung ma med byas nas/ la nyung gi sa bon khyer/ de nas shing rta'i 'khor lo byas/ de'i steng du jo bo shAkya bzhugs/ 'khor lo de rgya nag na stobs che ba'i gyad lha dga' dang / klu dga' gnyis la 'dren du bcug go /gzhan yang rin po che dang / dar dang gos dang / rgyan dang / 'phral gyi yo byad rnams bkal ba'i rta dang / dre'u rnga mo la sogs pa mang po brdzangs so/ /bod blon rnams la'ang ston mo gnang sbyin dpag tu med pa mdzad do| |der lha gcig kong jo yang rin po che'i rgyan mang pos brgyan nas/ mdzes pa'i bu mo nyi shu rtsa lnga'i 'khor dang bcas pa rang rang gi rta la chibs nas/ yab yum blon po'i tshogs dang bcas pas skyel thung byas/ yab yum gnyis kyi thugs la 'phreng bzhin du/ 'jig rten mi chos la phan pa'i bslab bya gal che ba dpag tu med pa mdzad nas bod du chas so/ /der skyel thung la byon pa'i gral la/ blon po 'bri se ru gong ston zer ba des/ blon po mgar la phrag dog byas nas/ 'dir lha gcig gi tshab tu/ blon po rig pa can cig bsdad na/ rgya bod gnyis mthun 'ong zer nas/ blon po mgar la mig cer te bltas pa dang / rgyal po'i zhal nas nga'i lha gcig mdzangs ma de/ khyed bod kyis thob pas nga la mi tshab tu mgar sdod dgos gsungs so/ /der blon po mgar gyis kyang / se ru gong ston gyis phrag dog byas par go nas/ rgya bod gnyis mthun pa ngas byed do zer nas