[A:227]rkyal pa gang / lug bsad pa'i mcher pa'i khrag grod pa gang / sol ba'i mdung shing gas chag med pa 'dom gsum/ rta mog ro mgo dmar ba zhig rnams dgos/ de rnams ni rnyed par dka' ste mi 'dzom/ rgyal po yang gsan par dka'/ lar deng nga 'chi las che/ shi bas mi chog par nga'i rjes su ltas ngan pa bco brgyad 'ong / rgya bod gnyis 'brel chad/ bod kyi rgyal po la mngon shes yod pas nga shi ba mkhyen nas/ dmag btang nas/ rgya yul thams cad phung bar 'ong / sa thag ring sa 'dir sleb/ grogs blon po rnams kyis bskyur/ lus la nad kyis thebs/ nga rang gi rgyal po dang / nye du mdza' bshes rnams yid la dran kyang bya thabs med par song / rang gi nor rdzas bza' btung longs spyod kyis phan par dka' ste/ tshe 'di yang rmi lam lta bur 'dug go zer nas/ mgo hril gyis gtum nas nyal song ngo / /der rgyal po yang shin tu skrag par gyur nas/ khyed la phan pa'i thabs gang 'grub byed/ lhod de nyol cig gsung nas bzhud do// der rgyal pos nags thams cad la me brgyab pas/ sol ba'i mdung shing kyang ma byung / dar zab thams cad bsregs pas/ thal ba rkyal pa phyed kyang ma byung / lug thams cad bsad pas mcher khrag phor pa phyed kyang ma byung / rta mog ro mgo dmar de rnyed do/ /der rgyal po'i zhal nas/ rdzas gzhan rnams ni ma rnyed/ rta mog ro mgo dmar de rnyed yod do gsungs pas/ blon po na re/ rdzas gzhan rnams ma rnyed na thabs zad/ rta mog ro mgo dmar la nga'i ro rta gyis la nga bskyon/ rgya yul na bzang ba'i rta zhig la nga'i ro zas dang / ro gos bkal nas bod kyi ri mthong ba'i sar lha gsol du 'gro'o zer ro/ /der lha gsol bar