[A:228]'gro ba'i grabs byed gin yod tsa na/ rgyal po'i zhal nas/ blon po chen po nam zla dpyid kar song / so nam byed ran pas ji ltar byas na legs/ khyod rig pa can yin pas ston cig gsungs so/ /der blon po na re/ nga'i bod yul na sa bon thams cad sla nga'i nang du ser tsam brngos nas btab pas/ lo tshan che ba/ gzugs ring ba/ zla ba gsum song dus smin 'ong zer bas/ der rgyal po'i zhal nas/ bod kyi lugs su gyis shig gsungs nas/ khrims kyi rnga bo che brdungs te/ thams cad kyis nas brngos nas yos zhing la btab bo/ /der blon pos rang gi lus gud pa de sos/ lha gsol bar 'gro ba'i grabs byed gin yod dus/ bod blon rnams kyis rdzus ma'i sprang po gcig btang byung ngo / /der blon pos log pa'i skad byas te/ thag ring gi ra pho rgya bo la ngo shes mi bya'o/ kha rog sdod la ku co thong / /nag mo lcags mkhar thug nas yod/ /lung pa phu brdug mda' brdugs su/ /thu ru co brags khong la zhog /dar dkar dril la dar nag bskyod// zla bas nyi ma'i rtsa ru sleb/ /zer nas/ der sprang po de log go /sprang po des khong rnams la bshad pas ma go bar/ rgya mo kong jos go nas 'di skad zer te/ blon po des rgya nag tu ngan chen po byas yod par 'dug thag ring gi ra pho rgya bo la ngo shes ma byed zer ba de/ khong rang rgyal po sma ra can la lab ma shod bya ba yin/ da len kha rog sdod la/ bod blon rnams la shod bya ba yin/ nag mo lcags mkhar thugs nas yod zer ba de/ sa bon yos su brngos nas 'debs bcug bya ba yin/ lung pa phu brdugs mda' brdugs su/ thu ru co brags khong la zhog bya ba de/ dong par mda' mang po chug bya ba yin/ dar dkar dril la dar