[A:237]grabs byas dus blon po mgar byung nas/ khyed khyim nas pha ming gi yul du log pa mi 'thad/ ngo yang tsha/ rgya yul du 'gro ba'i lam yang mi shog bod du 'ong dus kyang nga med par lam du lus 'dus nas lam ma shog par 'dug pa/ da ngas bal mo bza' la'ang gros 'debs/ rgyal po la'ang zhu shig zer te/ khos mjal bar zhus nas/ rgyal po dga' ston gyi gdan sar byon te/ rgya mo bza' kong jo dang mjal lo/ /der yang mthong lugs rnam par gsum du byung ste/ phyogs bcu'i de bzhin gshegs pa rnams kyi snang ba la/ rgyal po dang / btsun mo gnyis mdzad pa bcu gnyis kyi tshul gyis sems can gyi don byed pa'i snang ba byung ngo / /sa bcu'i byang chub sems dpa' rnams kyi snang ba la/ 'phags pa spyan ras gzigs rgyal po srong btsan sgam por skur sprul/ rje btsun ma sgrol ma rgya mo bza' kong jo ru skur sprul nas sems can gyi don byed pa'i snang ba byung ngo / /mi nag tha mal pa rnams kyi snang ba la/ rgyal po dang btsun mo gnyis skyems la gsol res byed pa dang / skud pa 'khel res byed pa'i snang ba byung ngo / /de nas rgyal po yang kong jo dang zla ba gcig gi bar la ma mjal ba des/ thugs shin tu 'gyod par gyur nas/ kong jo'i sems gso ba'i phyir/ kong jo khyod 'o ma brgyal lam/ nyon ma mongs sam/ bar chad med par bod du slebs pa ngo mtshar che| jo bo ji ltar byas la gdan drangs/ la 'phrang chu gsum la ji ltar byas gsungs/ lha gcig kong jo na re/ jo bo shAkya shing rta'i steng du bzhugs/ gyad lha dga' dang / klu dgas 'khor los drangs/ brgya chu khug pa gru yis bcad/ lam sa thag ring yang thabs kyis byon/ bye ma'i la dgu 'khyags kha bskor nas 'ong /