[A:236]par/ nged dpon g.yog rnams la brgyags dang gos skyol/ nged rnams sa thag ring nas sleb pa yin pas nyon mongs par yod par byas pas/ mgar na re/ nga la zas skom skyel ba'i dbang yang med/ ci byed bal mo bza' dbang che ba yin/ khyed rang mo la de skad zhus zer te/ kho log song ngo / /der rgya mo bza' yang yi chad/ yul gyi pha ming dang longs spyod rnams yid la dran te/ 'gyod kyang bya thabs med par song nas/ pi wang la ram 'degs bcol nas glu blangs so/ / bu mo mi sdod yul la 'gro/ /jo bo shAkya rdzongs su byon/ /gtsug lag rtsis kyang rdzongs su byon/ /rin chen dar zab rdzongs su khyer/ /'o ma zho ru bsgyur gin 'ong / /zho la mar du 'don gin 'ong / /da ra thud du bsgyur gyin 'ong / /se ba zhib par 'thag gin 'ong / /gres ma thag par 'chos kyin 'ong / kham pa rdza ru bsgyur gyin 'ong / /rang 'thag chu bskor 'dzugs kyin 'ong / /nyung ma'i sa bon khyer nas 'ong / /rgya nag yul du phywa g.yang nyams/ /bod du bde skyid phun sum tshogs/ /bu mo a ma'i go na mdzangs/ /go rgas sems kyi nad du che/ /bod kyi yul du khyim la 'ong / khyi mo nang du bos nas brdung / /bod la khrel gdong mi 'dug go /gri chung yu ba'i rtsa na rno/ /glu chung rang 'thag go na snyan/ /bu mo a ma'i go na mdzangs/ /rje kha blon pos bsgyur gyin gda'/ /skyes kha mo yis bsgyur gyin gda'/ /thag kha spun gyis bsgyur gyin gda'/ /zhing ngan ram pas bsgyur gyin gda'/ /bu mo nga la sdod thabs med/ /blon po mgar gyis khrel med byas/ /zhes zer te/ jo bo shing rta'i steng du bzhugs/ rta dang drel rnga mo la sogs la khal bkal/ bod ngan pa'i bya ba mthong bas shes zer te/ 'gro ba'i