[A:248]yams gtong zer gin 'dug pa rgyal pos mkhyen nas 'phags pa la gsol ba drag tu btab pas/ 'phags pa bzhad pa'i zhal nas 'od zer byung ba me ru gyur/ khros pa'i zhal nas 'od zer byung ba rta mgrin dang bdud rtsi 'khyil ba gnyis su gyur te/ khro bo gnyis ye shes kyi me dang bcas pas zla ba tshal gyi dug shing gi sdong po la brgyab/ sran phung dkyil du thog babs pa bzhin byas te/ 'dre la la ni brgyal/ la la ni bog la la skad ngan 'don par gyur to/ /der khro bo gnyis kyis ye shes kyi me dang bcas pas de rnams ded de/ phyi'i rgya mtsho chen po la bsgral nas phyir mi ldog pa byas so/ /der ye shes kyi me zla ba tshal gyi brag la phog pas brag de la kharsa pa Ni rang byon du byon par gyur to/ /de'i sang rgyal po blon po'i tshogs dang bcas pas rang byon de'i drung du byon te/ mchod pa phul zhing smon lam btab nas/ bstod pa mdzad pa/ spyan ras gzigs dbang 'jig rten mgon/ /thub pa'i dbang pos spyi gtsug brgyan/ /sku mdog dkar gsal gangs ri 'dra/ /nyon mongs ma gos padmo bzhin/ /thugs rje che zhing mthu ldan pa// sems can nyam thag phongs rgu yi/ /nad dang sdug bsngal zhi mdzad pa/ /mgon du gyur la phyag 'tshal lo/ /zhes gsungs so/ /rang byon de brag la gsal bar byon na'ang / ma 'ongs pa'i sems can bsod nams bsog pa'i phyir du/ bal po'i lha bzos gsal bar brkos so/ /de nas lha khang brtsigs pa la bgegs med par dgongs nas/ rje blon kun gyis mtsho bsubs pa'i steng du byon/ sa gzhi byin gyis brlabs nas thig gdab bo/ /de'i dus su klu'i rgyal po sangs rgyas bcom ldan 'das sku mdog dkar po sbrul gyi gdengs ka can/ spyan gsum