[A:280]dang 'grogs kyang de las med/ /sangs rgyas gzhan dang mjal yang de bas med/ /ces chos skyong ba'i rgyal pos dgongs pa mngon du phyung ba dang / de nas dus de nyid du lha sras rje 'bangs thams cad chos nyid rang shar rang grol chen po'i gling du 'bad pa dang rtsol ba med par grol lo/ /dus de nyid du bde sdug la spang blang med/ 'khor 'das la bzang ngan med/ 'di phyi la gdams kha med par 'phags pa rnams kyi zhal mthong bya mthong byed med par mi la mis blta ba bzhin gzigs so/ /de ltar mi thams cad rig pa rang shar rang grol gyi dgongs pa la/ bzhag bya dang bzhag byed med par byas par gyur to/ /de nas lha sras rje 'bangs thams cad rjes su yi rangs te phyi nang gi mchod pa rgya chen pos yab rgyal po mnyes par mdzad nas shin tu drin gzo'o/ /de nas yang dar gcig yab rgyal po nyid dgongs pa la bzhugs nas ci yang mi gsung bar/ spyan bar snang la khrol khrol mdzad nas 'di skad gsungs so/ /ag sam rgyal sras chen po gson cig /lan cig dus kyi tha ma la/ /nga yi lha sa'i gnas gzhi 'di/ /nya 'dra sbal 'dra 'jong 'dra sprel yang 'dra/ /rim pa bzhin du chu yis gcod par byed/ /nya 'dra rgyal ba yum gyi rang bzhin yin/ /ras ris phyogs bcu'i sangs rgyas dngos dang 'dra/ /rgyal bas rgyal ba'i zhabs tog mdzad pa yin/ /nya 'dra kha ru de dag su yod pa/ /rgyal ba'i yum la reg dang khyad par med/ /de yang sngon du sbyangs pa song ba yin/ /'khor ba'i sdug bsngal mtha' ru phyin pa yin/ /'bad pa don chen yin no bod 'bangs rnams/ /rdo bang gseg ma 'jim pa bya sgong tsam/ /gang zhig de yi phyogs su spung byed pa/ /sangs rgyas