[A:281]rnams la sman pa byas pa yin/ /de yang bde ba'i lam la tshud pa yin/ /nga yi rig can rnams kyis bkur ba'i tshe/ /nya 'dra'i dus su gshog ltar bsgron pa yin/ /sbal 'dra'i dus su zhwa ltar bkon pa yin/ /'jong 'dra'i dus su gdan ltar 'ding ba yin/ /sprel 'dra'i dus su gzugs su gyur tsa na/ /rgya chen mchod pa bshams nas ni/ /mos gus gsol 'debs gces pa yin/ /de ltar byas nas cung zhig gnas par 'gyur/ /nang gi lha rnams gsos na phyi yi rag la phan/ /phyi yi rag rnams gsos na nang gi lha rnams dgyes/ /mchod pa bshams shing gsol ba btab byas na/ /bod 'bangs bsam pa thams cad 'grub par 'gyur/ /dus kyi tha ma sdig spyod mang mod kyang / /nga yi lha sa mthong thos reg pa yi| |'gro ba phal cher 'khor ba'i gnas nas thar/ /de yang 'phags pa rnams kyi thugs rje ste/ /nga yi bod 'bangs rnams kyi bsod nams yin/ /de phyir nga yi skyabs gnas pho mo rnams/ /rtsol ba ma zhen snying stobs bskyed mdzod la/ /nga yi lha sa mthong thos reg par mdzod/ /de yang thar pa'i lam la btsug pa yin/ / skyon rnams thams cad sel bar 'dod pa dang / /yon tan gang zhig bsgrub par 'dod pa yi/ /nga yi lha sa zhabs tog mos byas pas/ /bsam pa thams cad yid bzhin 'grub par 'gyur/ /ji ltar 'dod pa rgyal ba rnams la zhus/ /zhes yab rgyal po chen pos lha sras la bka' stsal pa/ lha sras chen po pa/ dus lan cig lha sa la chus nyen nas/ gso dgos pa yod par 'dug pas/ de'i zhig gsos kyi theb la/ gser dngul la sogs dkor nor rnams gter du sbos shig gsungs pa dang / de nas lha sras kyis kyang lha sar zhabs tog bya thabs