[A:298]po| |lus chung yang lha yi rnam 'phrul can/ /snod gser skyogs chang gis gang ba 'di/ /bu khyod rang gi zhang po'i lag tu gtod/ /ma gang yin gyi yid ches de la byed/ /gsungs te/ dmod bor nas sras gom pa thub tsam de btang nas/ der sras kyi gom pa bor nas byon pa dang / sna nam pa rnams kyis gos dang / rgyan dang / me tog gi phreng ba la sogs bstan nas bos kyang / 'gror ma nyan par rgya rnams kyi rtsar byung ste/ gser skyogs rgya la gtad nas 'di skad zer ro/ /nga khri srong lde btsan rgya tsha yin/ /sna nam zhang gi don mi 'tshal/ /zer te/ zhang po rgya'i pang du song ngo / /der yum rgya mo shin tu dga' ste 'di skad zer ro/ /tshe sngon ma'i las kyi 'phen pa yis/ /nga rgya nas 'ongs pa'i bu mo la/ /rje 'dren eds: ('gran ) med rgyal po'i sras zhig 'khrungs/ /las gang yang srid pa'i sngon chad la/ /bu rang la skyes pa gzhan gyis phrogs/ /gtam bden pa'i tshig la ma nyan zhing / / brang nu ma bstan kyang ma gtad pas/ /nga rgya mo'i lus sems gzhob tu thal/ / sems khong khro'i na tsha ma bzod par/ /yul bod kyi ri dpyad nyams su bcug / dus de ring lha yi nyi ma shar/ /bu khyod kyis zhang ngo shes pa lags/ /nga a ma'i lus sems mal du bde/ /yul bod kyi ri dpyad nyams pa de/ /ri de rnams la skyon med bcos su yod/ /ces zer ro/ /der rgya mo'i sras yin par ngo shes nas/ dga' ston gyi ston mo chen po byas so/ /der sras dgung lo lnga lon dus yum 'das so/ /yab rgyal po mes ag tshom ni/ dgung lo drug cu re gsum la yar 'brog sba tshal mkhar gshegs so/ /de'i bang so mu ra ri la brtsigs/ / gral ni 'phrul gyi rgyal po'i g.yon na yod/ /ming ni lha ri gtsug nam bya ba