[A:333]snying gar lag pa bzhag pa dang / snying 'dar ba shes te/ spyi'i tha ba la/ sgos su shol mi bcog zer nas song ngo / /de nas shin tu skrag par gyur te/ skad cig kyang sdod pa'i longs med par khams la bros so/ /
nyer bdun pa/ der rgyal po sdig can bkrongs pa'i rjes su btsun mo chung ba zhig la gdung brgyud kyi sras ltor zhig byung ba dang / btsun mo che ba'i bsam pa la 'dis bdag gi mnga' thang la gnod par nges bsam ste/ lus la gos kyis dkris nas nga la'ang sras ltor zhig yod do zhes bu chung che rdzun byas so| |der btsun mo chung ba'i zla dus thim pa dang / gdung brgyud yin nges kyi sras 'khrungs te/ sku shin tu gces pas nyin mo ni mis bskor/ mtshan mo ni mar me'i 'od kyis bsrungs pas na mnga' bdag 'od srungs zhes zer ro/ /der btsun mo che bas kyang sprang po'i bu chung skyes ma khad cig nyos nas sha la sbyar te/ nga la'ang 'di skyes pa yin no zer bas/ thams cad the tshom za bar gyur kyang / yum btsun mo dbang che bas smra ma nus te/ yum ji ltar gsungs pa bzhin brtan du bcug pas/ mnga' bdag yum brtan zhes zer ro/ /mnga' bdag 'di gnyis sku nar ma son kyang / blon po chos la dga' ba rnams kyis zhus te/ jo bo rnam gnyis dang / byams mgon rnams sa 'og nas bton nas/ rang rang gi khri la bzhugs nas mchod pa byas/ lha khang zhig pa rnams slar gsos so/ /de nas srid la ma 'cham pas/ 'od srungs kyis g.yo ru bzung nas 'khrug pa byas so/ / sa mo glang la gyen log byung / me mo bya la bang so rnams bshig go /mnga' bdag 'od srungs kyi sras/ rje dpal 'khor btsan/ de'i chen ma'i sras skyid sde