[A:335] no| |de rnams kyi brgyud phyogs thams cad du so sor 'phel bas kyi g.yor kun na yod pa'i jo bor ming btags pa rnams yin pas/ rigs shin tu ma dag pa yin zer ro/ /
nyer dgu pa de ltar rgyal po glang dar mas lcags mo bya la chos bsnubs/ lcags mo bya la bstan pa'i me ro langs nas/ lo skor dgu'i bar du dbus gtsang na chos med do zer kyang / nges pa can du lo skor brgyad/ lo dgu bcu go brgyad kyi bar chos kyi ming tsam yang med do/ /de ltar gong du bshad pa ltar chu bo ri nas bros pa'i g.yo dge 'byung / gtsang rab gsal/ dmar shAkya mu ne gsum khams su bros so/ /de'i rjes la ka 'od mchog grags pa dang / rong ston seng ge rgyal mtshan/ lha lung dpal gyi rdo rje dang gsum snga rting du bros so/ /de'ang thog mar khams su slob ma byung ba ni/ bon po'i bu rma za gsal gyis phyugs 'tshor phyin pas/ chu bo ri nas byon pa'i dge slong gsum po dang mjal te/ las 'phro'i dbang gis dad pa skyes nas rab tu byung bar zhus pas gnang ste/ mkhan slob song ste gsum kha'i mtshan nas dras te/ shAkya dge ba gsal du btags/ sde snod gsum la mkhas par gyur to/ /de la brten nas khams pa'i mi bal rdo rje dbang phyug snubs dpal gyi byang chub/ yang gong ye shes g.yu ru/ sbar rin chen/ lcang ye shes seng ge co ro shes rab byang chub/ gzhan yang shod chung ba shes rab grags/ an 'bar ba byang chub/ grum ye shes rgyal mtshan/ gnubs dpal gyi byang chub/ sgro manydzu shI la sogs pa'i mkhas btsun mang po byon no/ / de'i tshe rgyal po sdig can gyis chos bsnubs nas lo drug cu lon pa na/ 'phan