[A:140]gyis dam kha skyel du phyin pas/ klu bdud de'i bu rta pa mang po dang 'phrad de/ dam kha blangs rgya'i rgyal po bsad/ de nas rim gyis blon po rnams kyang bsad nas/ rgya'i rgyal khams mi nyag gis dbang byas pas/ klu bdud kyi bu mi nyag rgyal po de'i ming kyang pha'i ming nas dras te/ se hU rgyal po zhes grags/ de nas rgyal rabs drug na/ mi nyag gi rgyal po rgyal rgod bya ba byung / mi nyag se hU rgyal po nas rgyal rgod yan la lo nyis brgya drug cu mi nyag rgyal po'i bstan pa byung ba yin no/ /hor gyi rgyal po la snga ba gnam gyi bu sbor tha che/ de'i sras ba chi khan/ de'i sras tham cha/ de'i sras khi che mer khan/
'di gu ru'i sprul pa yin zer/
de'i sras a'u dzom sbo ro 'ol/ de'i sras e ka de 'un/ de'i sras sems za'o ji/ de'i sras ngab chu/ de'i sras ngor bun cher khan/ de'i rjes la nag mo a lan/ de'i sras bo la pa/ de'i sras bo don char mu khag de'i sras ga bi chi/ de'i sras bi kher/ de'i sras ma nan tho don/ de'i sras ga'i thu gan/ de'i sras ba'i shing thor dog shing / de'i sras bu dum bi ni'i khan/ de'i sras gal bu khan/ de'i sras bar than pa dur/ de'i sras ye bun ka ba dur/ de'i sras tha'i dzung dzing khi/ 'di yan rgya dang mi nyag gis bzung nas hor la bstan pa med/ de nas tshe ring gnam gyi she mang la brten nas/ stobs kyi dbang thob pa'i rgyal po/ sangs rgyas mya ngan las 'das nas lo sum stong nyis brgya lnga bcu song ba na/ hor jing gin gan gyi rgyal po byon nas/ rgya dang mi nyag thams cad 'og tu bcug nas/ rgyal sa lo nyi shu rtsa gsum bzung / rgyal khams la dbang bsgyur/ ji gin rgyal po'i gcung po/ u ru ka'i rgyal po/ ji gin gan gyi rgyal po la/ sras bzhi mdo 'chi