[A:142]gsum yod pa'i ku sha la rgyal po/
'dis rgyal sa zla ba gcig
go lug rgyal po/ tho gan thi mur lja du ta rgyal po/ ku sha la'i sras ratna shri rgyal po/ 'dis rgyal sa lo bcu gcig
de'i mched tho gan thi mur rgyal pos rgyal sa lo bzhi bcu zhe brgyad bzung nas rgyal khams la dbang thob pa yin zhes 'di nas rgyal sa rgya'i ta'i ming rgyal po la shor zer/
rgya hor gnyis kyi yig cha daib ther la mkhas pa/ tsen tshe slob dpon shes rab ye shes kyis gung thang du bsgyur ba las/ sde gtsug lag khang gnyis kyi bdag po/ rigs rus yon tan thams cad kyi mchog tu gyur pa/ tshal pa thams cad mkhyen pa si tu dge ba'i blo gros kyis deb ther du bsgrigs pa las zur tsam bsdus pa yin gyis/ rgya hor gyi yig tshang rgyas par shes 'dod na/ deb ther de nyid la gzigs shig rgya hor gyi yul du dam pa'i chos dar ba dang / rgyal po'i rnam grangs ji ltar byon pa bstan pa'i le'u ste gsum pa'o// //
bzhi pa/ 'phags pa padmo la 'khrungs pa las/ yi ge drug pa'i phan yon bstan pa'i skor/ de nas bod kha ba can du sangs rgyas kyi bstan pa dar ba ni/ sngon bcom ldan 'das 'od ma'i tshal na 'khor dgra bcom pas bskor te bzhugs pa'i dbus su/ smin mtshams kyi mdzod spu nas 'od zer kha dog lnga tshang ba 'ja'i phung po lta bu zhig 'phros te/ byang phyogs kha ba can gyi rgyal khams su song bas/ de la brten nas gzigs te zhal 'dzum pa mdzad pa dang / byang chub sems dpa' sgrib pa rnam sel gyis rgyu rkyen bshad du gsol zhes gsol bas/ mdo sde padma dkar po las/
bcom ldan 'das kyis bka' stsal pa/ rigs kyi bu dus gsum gyi sangs rgyas gang gis kyang gdul byar ma gyur pa'i gnas/ 'dre srin