[A:120]tshad drug 'bum bzhi khri 'phags pa na gzhan 'phrul dbang byed kyi lha'i gnas yod do/ /de man chod ni 'dod pa'i khams pa yin no/ /de'i steng na gzugs khams dang / gzugs med khams la sogs pa'i lha'i gnas thams cad kyang mchod rten gyi bang rim lta bur yod cing / de rnams kyi mtho dman dang / dpag tshad dang / tshe tshad dang / lus kyi tshad dang / longs spyod kyi tshad ji ltar yod pa rnams mngon pa na gsal lo/ /ri rab kyi shar phyogs na lus 'phags kyi gling gling phran gnyis dang bcas pa dbyibs zla gam lta bur yod do/ /ri rab kyi lho phyogs na lho 'dzam bu'i gling gling phran gnyis dang bcas pa dbyibs sog khar yod do/ /ri rab kyi nub phyogs na nub ba lang spyod kyi gling gling phran gnyis dang bcas pa dbyibs zlum por yod do/ /ri rab kyi byang phyogs na byang sgra mi snyan gyi gling gling phran gnyis dang bcas pa dbyibs gru bzhir yod do/ /rnam 'dud sa nas dpag tshad bzhi khri steng du 'phags pa'i nam mkha' la dwangs shing rab tu brtan pa'i rlung gi dkyil 'khor la/ nyi zla rgyu skar la sogs pa brten nas yod do| |nyi zla'i dpag tshad/ rgyu skar gyi rgya khyon/ gling bzhi gling phran gyi dpag tshad/ mi rnams kyi longs spyod/ tshe'i tshad/ lus kyi tshad la sogs pa rab tu rgyas pa mngon pa na gsal lo/ /gling de rnams kyi nang nas mchog tu gyur pa 'dzam bu gling yin te/ u Dyan/ gser gling / singga la'i gling / zla ba'i gling la sogs pa'i gling phran zur pa yod pa rnams kyang / lho 'dzam bu gling la gtogs pa yin no| |de'ang yul dbus rgya gar gyi rgyal khams ni za 'og gi bla bre phub pa dang 'dra ste/ rin po che'i gling / sog po dang / li'i yul shing rta'i dbyibs 'dra ste/