[A:121] 'dod rgu 'byung ba'i gling / hor dang rgya nag gi yul ni me tog padma kha bye ba dang 'dra ste/ ngo mtshar che ba'i gling / kha ba can bod kyi rgyal khams ni/ srin mo gan rkyal du 'gyel ba dang 'dra ste/ ngam grog che/ 'dre srin mang / ri nag la rtsub/ mun pa'i smag rum yin no/ /gzhan yang yul gru chen po bcu drug rang rang gi dpal 'byor la longs spyod cing bde bar gnas so/ /de'ang thog mar rgya gar gyi yul ni/ mi rnams 'od gsal lha las chad pa yin te/ tshe tshad dpag tu med pa thub pa/ zas su bsam gtan gyi dga' ba za ba/ rdzus te skye ba/ lus la 'od yod pa/ rdzu 'phrul gyis nam mkha' la 'gro ba gzugs kyi yon tan dpag tu med pa yod de/ de'i tshe bdud rtsi sa bcud ces bya ba kha dog dkar po/ ro sbrang rtsi dang 'dra ba yod pa zos pas/ rdzu 'phrul gyis nam mkha' la 'gro ma thub cing / bsam gtan gyi zas med do/ /de'i rjes la sa'i zhag ces kha dog dmar ser/ ro sbrang rtsi dang 'dra ba zhig byung ngo / /de yang nub pa dang / myu gu'i tshal bya ba'i zas byung ngo / /de yang zad pa dang / ma rmos pa'i 'bras sA lu dag byung ngo / / zas de rnams dgos pa'i dus su blangs nas za ba yin pa la mi le lo can 'ga' zhig gis nangs par gyi skal ba de ring nas blangs te zos nas/ gzhan rnams kyis kyang de bzhin du byas pas/ ma rmos pa'i 'bras kyang zad do/ /de nas so nam gyi bya ba la zhugs nas yod pa la/ mi gcig gis btab pa'i zhing gzhan gyis bsdus te zos pas/ de dag rnams ma mthun par rtsod pa byed do/ / de'i tshe mi rnams kyi nang nas mchog tu gyur pa zhig gis rang rang gi dbang ris kyi sa cha bgos te/ 'thab rtsod med par byas pa dang / mi rnams de la rab tu