[A:177]brnyes pa zhig 'khrungs te/ de ni rgya mo bza' kong jo 'di yin no/ /yang zhal nas 'od zer gcig 'phros te/ bod kha ba can gyi rgyal khams su/ brag la chu rgyag pa'i 'phrong la phog pas/ mtha' 'khob 'dul ba'i gnyen po gsang ba 'bru drug chos sku'i rnam par gyur te/ de ni yar 'phrang gi yi ge drug pa 'di yin no/ / yang thugs ka nas 'od zer zhig 'phros te/ kha ba can gyi rgyal khams su song / bod kha ba can gyi yul thams cad 'od zer gyis khyab par mdzad/ yang bsnon sbra stod tshal yang 'od zer gyis khyab par mdzad/ pho brang byams pa mi 'gyur gling yang 'od zer gyis khyab par mdzad/ rgyal po gnam ri srong btsan kyang 'od zer gyis khyab par mdzad do/ /de nas 'od zer de rnams 'dus te/ rgyal po gnam ri srong btsan gyi btsun mo 'bri bza' thod dkar ma'i lhums su zhugs pa dang / bkra shis pa'i ltas kyis phyogs thams cad du khyab par gyur to/ /der zla ba dgu ngo bcu lon pa na/ sras khyad par du 'phags pa zhig me mo glang gi lo la/ pho brang byams pa mi 'gyur gling du sku bltams te/ dbu la sangs rgyas a mi dhe ba bzhugs pa/ phyag zhabs 'khor los mtshan pa/ dbu skra mthon mthing du yod pa zhig bltams so/ /sangs rgyas rnams kyis byin gyis rlabs/ byang chub sems dpa' rnams kyis bkra shis brjod/ lha rnams kyis me tog gi char phab ste| sa yang rnam pa drug tu g.yos so/ /de yang mthong lugs rnam pa gsum du byung ste/ phyogs bcu'i sangs rgyas rnams kyi snang ba la/ 'phags pa spyan ras gzigs des/ sngon gyi smon lam gyi mthu la brten nas/ bod kha ba can pa'i sems can rnams smin grol la bkod nas/ mtha' 'khob kyi yul 'dir/ mun