[A:179]zer kha dog sna tshogs pa zhig khra cam me 'dug pa blon po sna chen pos mthong nas/ rgyal po la zhus pa/ rje ci lags/ chu'i nang du 'od zer 'di lta bu 'ong ba shin tu ngo mtshar che lags zhus pas/ rgyal po'i zhal nas zhang blon chen po nyon cig mtha' 'khob kha ba can gyi yul 'dir sems can thams cad smin grol la 'god pa'i lam/ sangs rgyas thams cad kyi dgongs pa gcig tu bsdus pa'i ngo bo| phan bde dang yon tan thams cad kyi 'byung gnas/ mtha' 'khob 'dul ba'i gnyen po/ kha ba can pa'i chos skal/ yang snying 'dus pa'i snying po/ gsang ba 'bru drug chos kyi sku'i yig 'bru/ gsung mchog yi ge drug ma gcig brag 'di la 'byon par 'dug 'dis kyang sems can mang po'i don byed par 'dug go gsungs te/ brag de la mchod pa phul ba dang / brag de las 'od zer sna tshogs pa 'phros te/ pha rol gyi brag de la phog nas/ phan tshun 'ja'i mdangs su 'brel pas na/ grong de'i ming yang 'ja' mdangs bya ba yod de/ brag de la'ang /
spyan ras gzigs khar sa pa Ni/ dpal rta mgrin la sogs pa/ rting du bal po'i lha bzo bas 'bur du brkos/
lha'i sku rang chas su byon yod do/ /de nas byon te dmar po ri'i steng du pho brang btab nas bzhugs so/ /'phags pa spyan ras gzigs kyi sku la 'od zer bzhi 'phros pa las/ chos rgyal 'khrungs pa'i le'u ste dgu pa'o// //
bcu pa/ blon po thon mis rgya gar nas yi ge bsgyur ba las/ rgyal pos dge ba bcu'i khrims bcas pa'i skor/ de nas chos dge ba bcu la brten pa'i rgyal khrims 'cha' ba/ 'dod yon lnga spel ba/ phan tshun du skyes bskur ba/ mnga' 'og gi 'bangs rnams la chos kyi bka' bsgo ba la/ bod na yi ge med