[A:183]tan du ma la mkhas par gyur to/ /de nas blon po bod du byon pa'i dus su/ bram ze la gsol ba/ thugs la btags so rgyal ba'i sras/ /bka' drin che'o ngo mtshar che/ /byin gyis rlobs shig thugs rje can/ /rig pa dri med kyi nam mkha' la
||
thabs shes gnyis kyi rgyu skar shar/ /smon lam dag pa'i chu 'dzin 'khrigs// sgra tshad yi ge'i nyi zla shar/ /'gro ba ma rig mun pa sel/ /bde gsal yid kyi rgya mtsho la/ /rig pa blo yi chu bran 'khor/ /smon lam dag pa'i chu bya lding / /sgra tshad yi ge'i nor bu bzhugs/ /'gro ba'i dbul phongs sel bar byed/ /sgyu lus dri med sdong po la/ /thabs shes gnyis kyi yal ga rgyas/ /bslab shes yon tan me tog shar/ /sgra tshad yi ge'i 'bras bu smin/ /bdag cag blon po thon mi la/ / ma lus gnang ba thugs la btags/ /rgya gar yul du phyin pa yin/ /mkhas grub khyed dang mjal ba yin/ /yon tan gzhi ma yi ge yin/ /ma lus khong du chud pa yin/ /bod yul dbus su 'gro ba yin/ /rgyal pos dga' ston mdzad pa yin/ /rgyal srid chos bzhin skyong ba yin/ /rgyal pos dbu mdzad blon 'bangs la| |sgra tshad yi ge spel ba yin/ /kun la rgyas par byed pa yin/ /thugs la btags so rgyal ba'i sras/ /zhes brjod de/ zhabs spyi bos blangs/ theg pa chen po'i chos du ma dang bcas te bod du phebs/ bsu ba dga' ston bsam gyis mi khyab pa byas/ rgyal po dga' ston gyi gdan sar byon pa la/ blon po thon mis/ na ro/ gi gu/ zhabs kyu sogs sde tshan du byas te/ yi ge'i phud phul ba/ zhal ras gsal la ngang mdangs gang ba bzang / /gdams ngag zab la ma chad tha dad dang / /las ngan bag chags thams cad bsal mdzad pa/ /'phags pa ma