[A:184]pham yang dag dam pa lags/ /bde gshegs bden nges ye shes te/ /ting 'dzin zhi nyid rig cing gzigs/ /nyon mongs tshogs bcom mgon po mchog / dug gsum bdud 'dul kun tu thul/ /
thon mi'i yi ge'i phud 'di/ dzen khog sna rdo'i lha khang la brag la brkos nas yod do/ /
spyan ras gzigs dbang thugs kyi sras/ /srong btsan sgam por mtshan gsol ba'i/ /chos rgyal khyed la phyag 'tshal lo/ /zhes bstod pa dang / rgyal po shin tu dgyes nas/ sangs rgyas kyi bstan pa rin po che la dgongs nas/ bkur sti dang phu dud du mdzad do/ /rgyal pos blon po la yon tan che ba'i bkur sti mdzad pa dang / blon po gzhan rnams phrag dog gis kun nas bslangs te/ rje yis 'bangs la 'di lta bu'i bkur sti mi 'os so zhes dril bsgrags pa dang / blon po thon mis de dag gi 'gran sems gcog pa'i phyir du/ 'di skad zer ro/ /nga drin chen gyi blon po thon mi ngas/ /lam bgrod par dka' ba'i rgya gar du/ /lus tsha grang che yang dka' ba spyad/ khong mkhas pa bram ze li byin la/ /yid gus pa'i tshul gyis mos gus byas/ /nor rin chen gser gyi phyag rten phul/ /don rnyed par dka' ba'i yig 'bru bstan/ /blo the tshom sel ba'i mdzub khrid byas/ /tshig dbyangs yig rnams la mkhas par bslabs/ /rgya yig lnga bcu tham pa de/ /bod yig sum cur gtan la phab/ /rang mkhas pa'i nges shes blo la shar/ /'phral yon tan thams cad khong du chud/ /dus da lta dga' la phyi ma skyid/ /yul mtha' 'khob bod kyi rgyal khams 'dir/ /mi mkhas pa sleb pa'i snga ma yin/ /nga mun pa sel ba'i sgron me yin/ /rje rgyal po nyi zla'i tshul du bzhugs/ /grogs blon po'i khrod na nga tsam med/ /bod kha ba