[A:195]'byon par mkhyen nas/ tsandan de sta res bcad pa dang / sku bzhi las gsum byung ste/ stod kyi de na re/ dal bus chod la nga mang yul gyi grong du zhog cig bya ba'i sgra thos/ de gshags pa'i nang nas/ 'phags pa wa ti zhes bya ba zh-ig byon no| |de'i 'og ma des sgra byung ste/ dal bus chod la nga grong khyer yam bu ya 'gal du zhog cig bya ba'i sgra byung ngo / /de gshags pa'i nang nas/ 'phags pa dbu gang zhes bya ba zh-ig byon no/ /de'i 'og ma des sgra byung ste/ dal bus chod la nga rgya gar dang bal po'i mtshams su zhog cig bya ba'i sgra byung ngo / /de gshags pa'i nang nas/ 'phags pa lja ma li zhes bya ba zhig byon no/ /de'i 'og ma des sgra byung ste/ dal bus chod la nga bod kha ba can gyi rgyal khams su rgyal po srong btsan sgam po'i yi dam la 'gro'o zhes bya ba'i sgra byung ngo / /de nas 'phags pa wa ti ni mang yul gyi grong du bzhugs/ 'phags pa dbu gang ni grong khyer yam bu ya 'gal du bzhugs/ 'phags pa lja ma li ni rgya bal gyi mtshams su bzhugs so| |sku de gsum bzhugs pa'i byin rlabs kyis/ grong tshan so so'i dus ma yin par 'chi ba'i 'jigs pa gsum las thar ro/ /de nas sprul pa'i dge slong des 'phags pa lo ke shwa ra 'di da ltar po ta la'i rtse la bzhugs/ kharsa pa Ni spyan drangs te/ bod kyi yul du phebs nas chos rgyal srong btsan sgam po la phul bas/ rgyal po shin tu dgyes par gyur nas/ yi dam gyi lha dang mjal bas/ da ni sems can gyi don byed pa la tshegs med do dgongs so/ /de nas sprul pa'i dge slong a ka ra ma ti shI la zhes bya ba de'ang / slar 'od du zhu nas/ rgyal po'i smin mtshams su thim par gyur to/ /rgyal po'i thugs dam gyi lha rgya gar dang / bal