[A:58]drug mthar phyin te lus ma spangs par 'od gsal gyi gong bu gcig tu gyur nas ye shes kyi sku grub bo/ /don dam bsnyen pa'i 'gyur mdzad pa'ang shin tu bzang la/ mnga' ris su phyis byon dus 'grel la yang rang 'gyur mdzad pas 'bro 'gyur las ches bzang zhes grags so// slar kha cher byon te gnyis su med pa'i ye shes kyi sku brnyes so/ /paN chen de'i gangs can gyi sras gcig bu lha rje sgom pa dkon mchog srung ni/ 'phan yum grab du sku 'khrungs/ rten dge bsnyen sman dpyad la byang pas 'gro don che/ mngon pa/ sa sde/ gsang 'dus 'phags skor/ gshed bskor/ bde dgyes sogs gsang sngags phal mo che mkhyen/ bsnyen sgrub phul du phyin pas grab sgom du grags shing thun mong gi dngos grub la mnga' brnyes pa des/ paN chen zla mgon bod du byon thengs bar pa'i res la 'jal bas shin tu dad de/ mkhyen pa che zhing ci gsung bka' bzhin bsgrubs pas dgyes te/ dbang rgyud 'grel mang dag ma lus pa dang / gzhan phan gyi bka' gtad rjes gnang dang bcas pa stsal/ paN chen rgya gar la byon pa'i phyags phyi thogs na'ang ma khrid par 'phan yul grab nyid du rtse gcig tu bsgom du bcug pas/ thugs dam gyi lha mang po'i zhal gzigs te/ ye shes kyi nang mthar phyin/ mngon shes lnga grub/ rlung gtsug tor du 'ching nus/ rgyud 'grel 'bro 'gyur gyi steng nas bshad pas 'bro yang bka' drin che zhes brgyud pa la 'dzud par mdzad la/ 'bro lugs zhes grags so// bla ma des gzhan la gzhung bshad cher ma mdzad/ chos rnams sgro ston la gnang nas/ ngo mtshar ba'i ltas du ma dang bcas te mya ngan las 'das so/ /phyi rten ring bsrel mang po 'byung ba zhig 'phan yul rag ma'i nang na deng sang yang yod ces grag go /de nyid kyi thugs sras sgro ston ni/ 'khrungs pa 'phan yul sgra ris/ gdung sgro mtshan gnam la brtsegs rten dge bsnyen na bza' dkar po can/ dgung lo nyi shu rtsa drug pa la