[A:70]pas thugs snang 'gyur te/ sku mtshams dam po la bzhugs dus rdo rje lus kyi rtsa gnas mngon sum du gzigs/ 'jam dpal ngag gi dbang phyug mjal ba la/ bdag gi bla ma dang gdams ngag sgom pa gang lags zhus pas/ se mo pa la dus 'khor dang sbyor drug zhus na lam myur du bgrod par 'gyur zhes lung bstan thob ste se mo che ba de g.yas ru grong chung na sprul sku jo 'bum mkha' spyod du chos 'khor mdzad pa'i skabs su der 'byon par brtsams pa na/ gcod sbyin chen po bdun gyis gtsos pa'i snang srid kyi lha 'dre mang pos me 'od dang / 'jigs pa'i gzugs ston pa dang / sgra drag po sgrog pa dang / rdo char 'bebs pa sogs cho 'phrul mang po bstan pas/ dngos grub ster ba'i yi dam lha/ /gnod par sems pa'i 'dre gdon gnyis/ /mi bdag la ro snyom khyad par med/ /lha 'dre gang dga' ma dgar zhog / gnyen po thos bsam sgom gsum dang / /spang bya nyon mongs rnam rtog rnams/ /mi bdag la ro snyom khyad par med/ /nyams bzang ngan gang dga' ma dga' zhog /'khor brgya dang stong gis bskor ba dang / /rang gcig bur gang bder nyal ba gnyis/ /mi bdag la ro snyom khyad par med/ /'khor mang nyung gang dga' ma dga' zhog /tshe ring nad med phun tshogs dang / / dus da lta nyid du 'chi ba gnyis/ /mi bdag la ro snyom khyad par med/ /tshe ring thung gang dga' ma dga' zhog /ces sogs chos brgyad mgo snyoms pa'i mgur gsungs pas zhi/ gtsang gzhung la yar byon tsa na/ nam mkha' thams cad sangs rgyas byang sems kyis gang ba'i snang ba byung / se mo che pa dang mjal ma thag bla ma de nyid phyag na rdo rjer dngos su gzigs te snang ba 'gyur ba'i mos gus tshud/ 'bul nod rgya chen po mdzad de/ sbyor drug zhus pas sngon 'gro'i khrid tshar ba dang mchog dbang gong ma bskur nas sor bsam gnang ste bsgoms pas/ sngar gyi chos kyi go ba tsho skrun gog bzhin du bud/ zhag gcig na bsam