[A:79]phar 'dri ba dang / phyi ma la lan 'debs pa la mgran zla dang bral bar gyur to/ /don mo ri dang 'dar chos sding du phar mngon dbu tshad kyi 'chad nyan dang / 'khyog po che'i gdan sa lo mang du mdzad/ de'i tshe rkyang 'dur du chos bar la byon nas kun mkhyen chos sku 'od zer ba la/ sbyor drug rigs mi 'dra ba mang po gsan dus/ rnam pa thams cad pa'i sku rags pa bsam gyis mi khyab pa dang / phra ba sen mo'i steng na bzhugs pa 'dzam bu'i gling du mi shong snyam pa dang / nang gi dbang po drug ting nge 'dzin gyi yul drug 'byams nas 'gro ba byung / de nas dus 'khor rgyud 'grel/ gsang 'dus 'phags skor/ bde mchog rtsa sdom/ kye rdor sa lugs/ rngog lugs/ gdan bzhi/ mA yA/ yo ga /bya spyod kyi dbang rjes gnang rgyud 'grel gzhung bshad man ngag dang / lam 'bras/ rim lnga/ nA ro/ ni gu/ grub snying sogs chos bum pa gang byor gsan/ gsang mtshan mi bskyod rdo rjer btags/ de nas rkyang 'dur du 'jam gsar ba'i gdan sar bzhugs nas chos rje'i dung btang ste 'chad rtsod rtsom gsum gyis bstan pa rgyas par mdzad/ dol po ba ye shes mgon po la srog rtsol gsan te/ rkyang 'dur du 'dag sbyar mdzad nas sbyor drug bsgoms pas nyams 'ur langs shing mngon shes lnga grub/ gegs kyi rnam pa mang du byung ste/ bde ba can du gdan 'dren pa yin zer nas bsu ba'i bkod pa bsam gyis mi khyab pa byung / de'i dus su bud med gcig gis ldi mig gcig khyer byung nas/ sgo zhig la sgo lcags rgyab 'dug pa de la bskal song / de sgo phye zhig ces pa'i brdar dgos nas sgo phye ste/ de nas lus sbyong gi man ngag byung pa bzhin mdzad pas/ rlung lnga stobs su 'gyur te/ res phyag ya re la mi bdun bdun gyis bzung ba phyogs gcig tu 'phangs kyang gnod pa mi 'byung / res mi mang pos dgul bskyod mi nus/ res bsil bas mi rnams 'dar zhing 'khyag /res tsha gdung gis lung pa 'gengs pa byung zhing / de thams cad