[A:80]kun mkhyen chos sku 'od zer gyis dge sdings nas gzigs te byon pa na/ rje 'dis kyang mkhyen nas slob ma rnams la bla ma 'jal bar 'dug gi gsol ba thob gsungs/ sang bla ma byon te da res khyed gshegs na sku bzhi la 'byor par 'dug ste gdul bya mang po'i don du bzhugs dgos so gsungs nas srog gegs de bsal nas/ bde ba can du bsu ba de rnams da res gdan mi 'drongs par 'dug zer nas gyes pa'i snang ba byung / dus 'khor ba shar pa ye shes rin chen pa dang / rnal 'byor seng 'bum sogs bod na sbyor drug mi 'dra ba yod zer tshad la yang gsan pa mdzad/ mang mkhar gnas gsar du bla ma 'jam dpal ba la/ mdo sgyu sems gsum gsan pas mnal lam du mkhar bdun rim skas bdun btsugs pa la 'dzegs pas rtse mor phyin te ting nge 'dzin gyi snang ba rgya chen gzigs/ nyin phug pa sangs rgyas 'bum la rdzogs chen/ de nas 'chad nyan gyi spros pa bcad de kha rag tu byon nas dbyar bzhugs mdzad/ de nas ri khrod rnams su sbyor drug dang dmar khrid bskyangs pas kun spangs pa chen por grags/ se mkhar chung gi gtsug lag khang bgos shing 'brog mi'i sku 'bum la gser gsol bas/ mi ma yin rnams kyis se mkhar chung ba de da yang 'dir byung zhes sgrog pa gsan/ der jo mo nags rgyal ma byung ste/ khyed la gnas legs pa gcig 'bul zhes zhu ba la lo gsum na 'byon par zhal gyis bzhes/ sbyor drug rdzogs par ston pa bka' nyan par byung pas lha sar byon nas/ jo bo rnam gnyis khyad par du bcu gcig zhal gyi drung du gsol ba drag tu btab pas/ khrid yig bri ba dang / khrid rdzogs par bstan pas 'gro phan rgya chen po 'byung ba'i gnang ba thob/ de nas lhun po rtse sogs g.yas ru ri khrod du sgrub pa mdzad/ de nas jo mo nang du phebs ma thag gdul bya 'ur te/ gtso bor dus 'khor rgyud 'grel gyi dus chos gsung zhing slob ma brgya stong mang po la sbyor drug gi khrid tshan