[A:54]'grel rnams glegs bam du 'bri bar zhus nas bris so/ /slob ma gcig tha mal gcig byung gcig rgyal ba'i 'byung gnas sbas pa zhes pa grub pa brnyes pa gcig byung / gcig shar phyogs bha ga lar 'khrungs pa'i pi to A tsarya'am/ paNDi ta A tsarya zhes pa mkhas pa zhig byung ste/ des byang chub sems dpa'i skor ma lus pa thugs su chud cing / thugs nyams su bzhes te/ de nas yul der rgyal po gzhan gyi dmag byung ste/ rgyud 'grel gyi dpe thams cad dngos du sbas te bros/ dmag gyes nas bltas pas bde dgyes gnyis kyi 'grel pa'i smad mi 'dug nas/ 'bri bar zhus pas/ mkha' 'gro mas sbas pas brir mi rung gsung nas ma gnang / tsi lu pa slar rgya gar shar phyogs su gshegs so/ /de nas paNDita A tsarya des/ ba rendar sku 'khrungs pa'i slob dpon dus zhabs pa chen po la gsungs shing / des kyang sngar bzhin du mkhyen cing thugs nyams su bzhes so/ /de nas rgya gar shar phyogs me tog khyim zhes bya bar bzhugs pas slob ma'i mchog bzhi byung ste dus zhabs pa chung ngu dang / 'dul ba gnas blo gros dang / sengge rgyal mtshan dang / mtha' yas rnams so/ /de la dus zhabs pa chung ba ni manydzaha de shar phyogs su sku 'khrungs/ mtshan so dhi pa zhes kyang zer/ nA lendra pa zhes kyang zer ro/ /dus zhabs pa chung ba de ma ga dhar dar nas/ thams cad du dar bar gyur snyam du dgongs nas/ ma ga dha'i rgyal po shing stan can gyis byed cing / sen dha bas o tanta pu ri'i gtsug lag khang 'dzin pa'i dus su/ nA lendrar byon nas/ gtsug lag khang gi sgo gong du rnam bcu dbang ldan gyi sngags bris/ de'i 'og tu gang zhig dang po'i sangs rgyas mi shes pa de rnams kyis mtshan yang dag par brjod pa mi shes zhes pa nas/ rdo rje 'dzin pa'i lam dang bral ba ste 'khor ba pa'o/ /zhes pa'i bar bris pas/ paNDi ta lnga brgya tsam bzhugs pa rnams ma rangs par brtsad pas/ chos kyi rang bzhin zab cing rgya che bas thams cad