[A:53]brgyad kyis dum bu re rer chos ston pa nyid do/ /lnga pa ni/ rwa pa rnams rgya gar shar phyogs ortsi sar rnal 'byor pa gcig la sras gcig 'khrungs/ de rab tu byung tsi lu pa zhes bya/ sde snod mtha' dag la sbyangs shing rig pa'i gnas lnga la mkhas pas tsi lu paNDi tar grags/ sngags kyi sde snod thams cad gsan/ ratna gi ri bi ha ra dang / bi kA ma la shI la dang / nA lendra rnams su sde snod kyi spo ti mtha' dag gzigs shing khyad par tu ru kha'i gnod pa mi 'byung ba rin chen ri bor sngags kyi spo ti gzigs pas tshe gcig gis sangs rgyas 'grub pa la sngags kyi theg pa dgos shing / khyad par du byang chub sems dpa'i 'grel pas gsal bar byas pa dgos la/ de shaM bha la na yod par mkhyen nas/ yi dam gyi lhas lung bstan pa la brten nas/ rgya mtshor nor bu len pa'i tshogs pa dang 'grogs te/ rgya mtsho la brgal ba na tshong pa rnams dang zla ba drug gis 'dzoms dus byas te so sor zhugs so/ /de nas slob dpon gyis rim gyis byon pas ri gcig gi steng du 'dzegs pa dang mi zhig dang phrad pas de na re/ khyod gar 'gro zer ba la/ shaM bha lar byang chub sems dpa'i skor tshol du 'gro byas pas/ der shin tu 'gro dka' ste shes pa byung na 'dir yang mnyan pas chog mod gsung ba dang / 'jam dpal gyi sprul par shes te/ phyag byas maNDal phul gsol ba btab pas/ dbang rgyud 'grel man ngag mtha' dag gnang zhing rjes su bzung nas me tog gcig spyi bor bzhag ste/ byang chub sems dpa'i skor ma lus pa khod du chud par gyur cig ces byin gyis brlabs nas/ chu snod gcig nas gcig tu byo ba ltar byang chub sems dpa'i skor ma lus pa khong du chud par gyur to/ /tshur byon pa dang tshong pa rnams dang 'dzoms te/ slar rgya gar shar phyogs su byon no/ /de nas slob dpon des ka ti ka'i rgyal po'i sar bzhugs pas/ slob ma gsum byung / de rnams kyis rgyud