[A:55]brtul nas slob mar gyur te/ khyad par du/ manydzakirti dang / a bhi yukta dang / paNDita bo pa dang / dha byang chub sems dpa' dang / a bha ya dang / puNDa chen po dang / kha che ganydzi ra dang / shAddha gulta dang / gu na rakShi ta dang / zla mgon dang / tsa mi la sogs pa'i mkhas pa mang du byung zhing rgyal rigs rje rigs tshong pa la sogs pa rnams kyang dad nas dpe 'bri zhing bag chags 'jog pa mang du byung ste shin tu dad par gyur to/ /de nas bal po ye rang du sku 'khrungs pa'i paNDi ta sa manta bi bha dra mkhas pa lnga la gsan cing / khyad par manydza kirti'i rjes su 'brang ngo / /'bro pa ni shaM bha la na rgyal po dpal skyong chos byed pa'i dus su gshin rje gshed kyi rnal 'byor pa yab yum gnyis kyis/ gshin rje gshed kyi rgyud nas 'byung ba bzhin du rigs kyi sras bskrun pa'i cho ga byas pas khye'u gcig 'khrungs te cher skyes pa dang lho phyogs na/ byang chub sems dpa' dngos su chos ston pa su yod par grags par nyan du byon pa la khye'u'i lhag pa'i bsam pa rnam par dag pa dang / chos la 'dun pa dang / shi bha lar 'ongs nas tshe'i bar chad du 'gro bar mkhyen nas/ dpal skyong byon na der khyed kyis 'gro bar mi nus chu med pa'i mya ngam gyi thang la zla ba bzhi 'gro dgos pas srog gi bar chad du 'gro/ nga yis 'ongs la bshad gsungs nas zla ba bzhi gsungs/ bum pa gang byo'i tshul du mkhyen/ nang byang chub sems dpa'i skor gsum la sogs pa rgyud sde mang po thugs la bzung nas byon pas/ 'jam dpal gyi sprul pa yin par grags shing / de'i mtshan yang dus 'khor zhabs zhes zer ro/ /de'i dus na rgya gar na dge slong blo shin tu rtul ba zhig gi bltas bstan pa'i rmi lam la brten nas/ byi ru la lha mo ku ru ku lli'i sku byas te/ bud med ro'i khar bcug nas rgyab du dkyil dkrungs bcas te zhag bdun bsgrubs pas/ kha gyen du blta ste ci 'dod