[A:2a]དུ་འབར།།
བོད་བསྟན་པ་རྒྱས་པར་ལུང་ཡང་བསྟན།།
མགོན་ཐུབ་དབང་བསྟན་པའི་སྙིགས་མ་ཡི།།
དུས་ལྔ་བརྒྱའི་ཐ་མའི་བསྟན་པ་ལ།།
དཔལ་ཟས་གཙང་སྲས་པོའི་རྣམ་ཐར་ཅན།
ཁོང་ཐུ་བཙུན་རྡོ་རྗེ་གདན་པ་དེ།།
ལར་བསམས་ཤིང་ཞིང་འདིར་འདི་ལྟར་བྱོན།།
བོད་སྤུ་རྒྱལ་གདོང་དམར་རྒྱལ་ཁམས་སུ།།
དཔལ་ཕྱག་ན་པད་མ་སྤྱན་རས་གཟིགས།།
Family Lineage
ཡུལ་མུན་པའི་གླིང་དུ་གློ་བུར་དུ།།
ཁོང་བཙན་པོའི་རྒྱལ་པོར་མངོན་སྤྲུལ་པ།།
ལྷ་སྲོང་བཙན་སྒམ་པོ་ཞེས་བྱ་བྱོན།།
དཔལ་དམ་ཆོས་རིན་ཆེན་སྒྲོན་མེ་སྤར།།
བྱང་མཐའ་ཁོབ་དུས་བཟང་དཔལ་ལ་སྦྱར།།
ཁྲིམས་རྣམ་དག་དགེ་བཅུའི་བཀའ་རྟགས་བཏབ།།
ཆོས་ཕྱི་ནང་གསང་བའི་བང་མཛོད་ཕྱེ།།
རྒྱལ་དེ་ཡི་ནང་བློན་ཀུན་གྱི་གཙོ།།
མགོན་འཇམ་པའི་དབྱངས་ཀྱི་རྣམ་འཕྲུལ་མཆོག།
ཁོང་སྐད་གཉིས་སྨྲ་བའི་ལོ་ཙཱ་བ།།
བོད་ལོང་བའི་མིག་གྱུར་ཐོག་མ་པ།།
དཔལ་ཐུ་མི་སམྦྷོ་ཊ་ཞེས་པའི།།
མགོན་ལོ་ཆེན་དེ་ཡི་སྲས་ཀྱི་གཙོ།།
ཐུ་མཧཱ་སཏྭ་ལ་སོགས་པ།།
ལར་གྲུབ་བརྙེས་དུ་མའི་གདུང་བརྒྱུད་མཆོག།
ཡུལ་ཡངས་པའི་རྒྱལ་ཁམས་དབང་བསྒྱུར་བའི།།
མི་ཆེན་པོར་རྒྱ་ཧོར་བོད་རྗེ་ཡི།།
ལུང་ལག་རྟགས་འཛིན་པའི་རྒྱལ་རིགས་ཆེ།།
ཤིང་ས་ལ་ལྟ་བུའི་རིགས་ལ་དགོངས།།
Birth at rGyal chen gling
ཡུལ་རིག་པའི་འབྱུང་གནས་གཡོན་རུ་གྲྭ།།
ཟོང་འདོད་དགུ་ཚང་བའི་སྙིང་པོ་མཆོག།
དཔལ་རྒྱལ་ཆེན་གླིང་གི་ཕོ་བྲང་དུ།།
སྔོན་དམ་པ་